കേരളത്തിലെ ആരാധകരുടെ സ്നേഹത്തിനും പിന്തുണയ്ക്കും നന്ദി പറഞ്ഞ് ബ്രസീല് സൂപ്പര് താരം നെയ്മര്. കുട്ടിയെ പുറത്തേറ്റി തന്റെ കൂറ്റന് കട്ടൗട്ട് നോക്കിനില്ക്കുന്ന ആരാധകന്റെ ചിത്രത്തോടൊപ്പമാണ് നെയ്മര് കുറിപ്പ് പങ്കുവെച്ചത്.
‘ലോകത്തിലെ എല്ലായിടങ്ങളില് നിന്നും സ്നേഹം വരുന്നു! വളരെ നന്ദി, കേരളം, ഇന്ത്യ’ നെയ്മര് ഇന്സ്റ്റാഗ്രാമില് കുറിച്ചു. നെയ്മര് ജൂനിയറിന്റെ ഒഫീഷ്യല് വെബ്സൈറ്റിന്റെ പേരിലുള്ള ഇന്സ്റ്റഗ്രാം അക്കൗണ്ടിലാണ് കേരളത്തിന് നന്ദി പറഞ്ഞുള്ള പോസ്റ്റ് പ്രത്യക്ഷപ്പെട്ടിരിക്കുന്നത്.
View this post on Instagram
കിരിട മോഹവുമായി ഖത്തറിലെത്തിയ ബ്രസീലിന്റെ പോരാട്ടം ക്വാര്ട്ടറില് അവസാനിച്ചിരുന്നു. ആവേശകരമായ ക്വാര്ട്ടര് മത്സരത്തില് പെനല്റ്റി ഷൂട്ടൗട്ടില് രണ്ടിനെതിരെ നാലു ഗോളുകള്ക്ക ക്രൊയേഷ്യയാണ് ബ്രസീലിനെ തകര്ത്തത്. നിശ്ചിത സമയത്ത് ഗോള്രഹിത സമനിലയായിരുന്നു. പിന്നീട് എക്സ്ട്രാ ടൈമില് ഇരു ടീമുകളും ഓരോ ഗോളടിച്ച് സമനില പാലിച്ചതോടെ പെനല്റ്റി ഷൂട്ടൗട്ടിലേക്ക് നീങ്ങുകയായിരുന്നു.
Read more
അതേസമയം ക്വാര്ട്ടറില് പുറത്തായ നെയ്മറുടെ കരിയര് സംബന്ധിച്ചുള്ള അഭ്യൂഹങ്ങള് തുടരുകയാണ്. താരം ഇനിയൊരു ലോകകപ്പിലുണ്ടായേക്കില്ലെന്നാണ് സംസാരം.