ലോക കപ്പ് ഫുട്ബോള് യോഗ്യതാ റൗണ്ടില് ചിലിക്കും കൊളംബിയക്കും എതിരായ മത്സരങ്ങളില് നായകന് ലയോണല് മെസി കളിക്കില്ല. പിഎസ്ജി താരമായ മെസി പാരീസില് തന്നെ തുടരുമെന്നാണ് പുറത്തുവരുന്ന വിവരം.
ചിലിക്കെതിരെ ഈ മാസം 28നും കൊളംബിയക്കെതിരെ അടുത്ത മാസം രണ്ടിനുമാണ് അര്ജന്റീനയുടെ മത്സരങ്ങള്. ഖത്തര് ലോക കപ്പിന് അര്ജന്റീന ഇതിനോടകം യോഗ്യത ഉറപ്പാക്കിയിട്ടുണ്ട്.
ഫിഫ പുരസ്കാര നഷ്ടത്തിന് പിന്നാലെ മെസി ആരാധകരെ നിരാശരാക്കുന്ന മറ്റൊരു വാര്ത്തയായി ഇത് മാറിയിരിക്കുകയാണ്. പോയവര്ഷത്തെ ഫിഫയുടെ മികച്ച പുരുഷ താരത്തിനുള്ള പുരസ്കാരം മെസിയെയും മുഹമ്മദ് സലാഹിനെയും പിന്തള്ളി ബയേണ് മ്യൂണിക്കിന്റെ പോളണ്ട് സ്ട്രൈക്കര് റോബര്ട്ട് ലെവന്ഡോസ്കിയാണ് സ്വന്തമാക്കിയത്.
Read more
തുടര്ച്ചയായ രണ്ടാം വര്ഷമാണ് ലെവന്ഡോസ്കി ഈ നേട്ടത്തിലേക്കെത്തുന്നത്. ഇതോടെ രണ്ട് തവണ ഫിഫ ബെസ്റ്റ് താരത്തിനുള്ള പുരസ്കാരം നേടി ക്രിസ്റ്റ്യാനോ റൊണാള്ഡോയുടെ റെക്കോഡിനൊപ്പമെത്താനും ലെവന്ഡോസ്ക്കിക്കായി.