യൂറോയിൽ ഇന്നലെ നടന്ന സെമി ഫൈനൽ മത്സരത്തിൽ ഫ്രാൻസിനെ 2-1 നു പരാജയപ്പെടുത്തി ശക്തരായ സ്പെയിൻ ഫൈനലിലേക്ക് പ്രവേശിച്ചു. മത്സരത്തിലെ 8 ആം മിനിറ്റിൽ ഫ്രാൻസിന്റെ റാൻഡൽ കൊളോ മുവാനി ഗോൾ നേടി ടീമിനെ മുൻപിൽ എത്തിച്ചെങ്കിലും അവർക്കു അധിക നേരം ആശ്വസിക്കാനായില്ല. ആദ്യ പകുതി അവസാനിക്കുമ്പോൾ സ്പെയിൻ രണ്ട് ഗോളുകളും ഫ്രാൻസിന്റെ വലയിൽ കയറ്റിയിരുന്നു.
ഇതോടു കൂടി ഫ്രാൻസ് യൂറോ കപ്പിൽ നിന്നും പുറത്താവുകയായിരുന്നു. സ്പെയിനിനു വേണ്ടി ആദ്യ ഗോൾ നേടിയത് 16 കാരനായ ലാമിന് യമാൽ ആണ്. കിടിലൻ ലോങ്ങ് റേഞ്ച് ഷോട്ടിലൂടെ ആയിരുന്നു താരം ഗോൾ നേടിയത്. ഇതോടു കൂടി യൂറോകപ്പിൽ ഏറ്റവും പ്രായം കുറഞ്ഞ ഗോൾ സ്കോറെർ എന്ന റെക്കോർഡും താരം സ്വന്തമാക്കി കഴിഞ്ഞു.
മത്സര ശേഷം യമാൽ പറഞ്ഞത് ഇങ്ങനെ:
” ഞങ്ങൾക്ക് തുടക്കത്തിൽ ബുദ്ധിമുട്ടേറിയ സമയം ആയിരന്നു. മത്സരത്തിന്റെ തുടക്കത്തിൽ തന്നെ അവർ ഗോൾ അടിക്കും എന്ന പ്രതീക്ഷിച്ചിരുന്നെ ഇല്ല. എത്രയും പെട്ടന്ന് തിരിച്ച് അടിക്കാനാണ് ഞങ്ങൾ ശ്രമിച്ചത്. അതിനു സാധിച്ചതിൽ എനിക്ക് ഒരുപാട് സന്തോഷം ഉണ്ട്.”
“ടീമിനെ സഹായിക്കുക ആണ് എന്റെ ലക്ഷ്യം. വിജയം നേടാൻ സാധിച്ചതിലും ഫൈനലിലേക്ക് കയറാൻ പറ്റിയതിൽ ഞാൻ സന്തോഷവാനാണ്. എന്റെ ജന്മദിനം ഞാൻ ഇവിടെ ജർമനിയിൽ വെച്ച തന്നെ ആഘോഷിക്കും.” ഇതാണ് യമാൽ പറഞ്ഞത്.
Read more
യൂറോ കപ്പിൽ സ്പെയിനിനു വേണ്ടി താരം ഒരു ഗോളും മൂന്ന് അസിസ്റ്റും നേടി തകർപ്പൻ ഫോമിലാണ് യമാൽ കളിക്കുന്നത്. വരുന്ന ജൂലൈ 13 ആണ് താരത്തിന് 17 വയസ് തികയുന്നത്. അതിന്റെ പിറ്റേ ദിവസം അതായത് ജൂലൈ 14 ആണ് സ്പെയിൻ യൂറോകപ്പ് ഫൈനൽ മത്സരം കളിക്കാൻ ഇറങ്ങുന്നതും. രണ്ടാം സെമി ഫൈനൽ മത്സരത്തിൽ നെതെർലാൻഡ്‌സും ഇംഗ്ലണ്ടും ഏറ്റുമുട്ടുന്നവരിൽ വിജയിക്കുന്നവരാണ് ഫൈനലിൽ സ്പെയിനിനെ നേരിടുക.
