തന്റെയും ലയണല്‍ മെസിയുടെയും പേരിനൊപ്പം ചേര്‍ക്കാമെന്ന് തോന്നിയ താരമാരെന്ന് തിരഞ്ഞെടുത്ത് ക്രിസ്റ്റിയാനോ റൊണാള്‍ഡോ. ബ്രിട്ടീഷ് ജേര്‍ണലിസ്റ്റായ പിയേഴ്സ് മോര്‍ഗന് നല്‍കിയ അഭിമുഖത്തിലാണ് തനിക്ക് ഏറെ മതിപ്പ് തോന്നിയ താരത്തെക്കുറിച്ച് റോണോ പറഞ്ഞത്.
മുന്‍ ഫ്രാന്‍സ് നായകനും റയല്‍ മാഡ്രിഡിന്റെ പരിശീലകനുമായിരുന്ന സിനദിന്‍ സിദാനെയാണ് റൊണാള്‍ഡോ മികച്ച താരങ്ങളിലൊരാളായി തിരഞ്ഞെടുത്തത്. റൊണാള്‍ഡോ നേരത്തെയും സിദാനോടുള്ള ഇഷ്ടം തുറന്ന് പറഞ്ഞിട്ടുണ്ട്. ലോക ഫുട്ബോളില്‍ വിസ്മയിപ്പിക്കുന്ന പ്രകടനം നടത്തിയിട്ടുള്ള താരങ്ങളിലൊരാളാണ് സിദാന്.
സിദാന് റയല്‍ മാഡ്രിഡിന്റെ പരിശീലകനായിരുന്ന സമയത്ത് റൊണാള്‍ഡോയും ടീമിന്റെ ഭാഗമായി ഉണ്ടായിരുന്നു. യുവന്റ്സിനായും റയല്‍ മാഡ്രിഡിനായുമാണ് അദ്ദേഹം ക്ലബ്ബ് കരിയറില്‍ കൂടുതല്‍ മത്സരം കളിച്ചത്.
Read more
കളിക്കാരനെന്ന നിലയിലും ഗംഭീര റെക്കോഡ് സിദാന്റെ പേരിലുണ്ടായിരുന്നു. 1998-2006വരെ ഫ്രാന്‍സ് ടീമിന്റെ ഭാഗമായിരുന്ന സിദാന് 108 മത്സരങ്ങളില്‍ നിന്ന് 31 ഗോളുകളാണ് നേടിയത്. 1998ല്‍ ലോകകപ്പും ബാലന്‍ദ്യോറും നേടാന്‍ സിദാന് സാധിച്ചു.
