വെസ്റ്റ് ഇൻഡീസും ഇന്ത്യയും തമ്മിലുള്ള ഏകദിന പരമ്പരയിൽ, ഇന്ത്യൻ ടീമിൽ നാല് സ്പിന്നറുമാർ ഉണ്ടായിരുന്നു. അതിൽ മൂന്ന് പേർ കളിച്ചു, എന്നിട്ടും യുസ്‌വേന്ദ്ര ചാഹൽ പരമ്പരയിലുടനീളം സൈഡ്‌ലൈനിൽ തുടർന്നു. കുൽദീപ് യാദവ് ഇന്ത്യയുടെ പ്രധാന ടീമിന്റെ ഭാഗം ആയതിനാൽ തന്നെ താരത്തിന് ഇനി അവസരം കിട്ടില്ല എന്നൊക്കെ വരെ ആരാധകർ പറയുന്ന ഘട്ടത്തിലേക്ക് കാര്യങ്ങൾ എത്തി എന്നതാണ് ശ്രദ്ധിക്കേണ്ട കാര്യം.
ഇതൊക്കെയാണെങ്കിലും, ഷാർദുൽ താക്കൂർ ചാഹലിനെ പിന്തുണച്ചു, “ഞങ്ങൾക്ക് മികച്ച ബെഞ്ച് സ്ട്രെങ്ത് ഉണ്ട്. ഒരാൾക്ക് ഒരു പരമ്പര കളിക്കാൻ കഴിയാതെ വരികയോ കുറച്ച് മത്സരങ്ങൾ ഒഴിവാക്കുകയോ ചെയ്യുന്നത് അസാധാരണമല്ല. മറുവശത്ത്, യുസി ഒരു മികച്ച കളിക്കാരനാണ്. ഈ കാലങ്ങളിൽ അവൻ നന്നായി ചെയ്തു. അവനെ ടീമിലെടുക്കാനോ വേണ്ടയോ എന്ന് തീരുമാനിക്കേണ്ടത് മാനേജ്‌മെന്റാണ്. എനിക്ക് അതിനെക്കുറിച്ച് ഒന്നും പറയാനില്ല. ”
ചാഹലിന്റെ കഴിവിൽ താക്കൂറിന്റെ ആത്മവിശ്വാസം പ്രകടമായിരുന്നു, “എന്നാൽ, അവൻ അത്ര മികച്ച കളിക്കാരനാണെന്നതിനാൽ, അവസരം ലഭിക്കുമ്പോഴെല്ലാം അവൻ ഡെലിവർ ചെയ്യും. അതിൽ യാതൊരു സംശയവുമില്ല. അവൻ എപ്പോഴും ഒരുപാട് വിക്കറ്റുകൾ വീഴ്ത്തുന്നു. ടീമിന്റെ വിജയത്തിൽ അദ്ദേഹം സ്ഥിരമായി സംഭാവന ചെയ്യുന്നു.
Read more
വെസ്റ്റ് ഇൻഡീസിനെതിരായ ഏകദിന പരമ്പരയ്ക്കിടെ ചാഹലിന് അവസരങ്ങൾ നഷ്ടമായെങ്കിലും, അത് സ്പിന്നറുടെ ആവേശം കുറയ്ക്കുകയോ ആത്മവിശ്വാസം കെടുത്തുകയോ ചെയ്യില്ലെന്ന് താക്കൂർ ഉറച്ചു വിശ്വസിച്ചു. “ഒരു പരമ്പര നഷ്‌ടപ്പെടുന്നത് അദ്ദേഹത്തെ നിരാശപ്പെടുത്തുകയോ ആത്മവിശ്വാസം തകർക്കുകയോ ചെയ്യുമെന്ന് ഞാൻ കരുതുന്നില്ല. അവൻ നിരാശനാകില്ല. ഇന്ത്യക്ക് വേണ്ടി കളിച്ചപ്പോഴെല്ലാം അദ്ദേഹം ധാരാളം മത്സരങ്ങൾ ജയിച്ചിട്ടുണ്ട്,” താക്കൂർ പറഞ്ഞു.
