പ്രായം തനിക്ക് ഒരു നമ്പർ മാത്രമാണെന്ന് എംഎസ് ധോണി ഒരിക്കൽ കൂടി തെളിയിച്ചു. ഞായറാഴ്ച വാങ്കഡെ സ്റ്റേഡിയത്തിൽ മുംബൈ ഇന്ത്യൻസിനെതിരെ (എംഐ) നടന്ന മത്സരത്തിൽ മുൻ ചെന്നൈ സൂപ്പർ കിംഗ്സ് (സിഎസ്കെ) ക്യാപ്റ്റൻ തൻ്റെ ഫിനിഷിംഗ് കഴിവുകൾ എല്ലാവര്ക്കും മുന്നിൽ ഒരിക്കൽക്കൂടി കാണിക്കുക ആയിരുന്നു.
ചെന്നൈ ഇന്നിംഗ്‌സിൻ്റെ അവസാന ഓവറിൽ ബാറ്റ് ചെയ്യാനെത്തിയ ധോണി ഹാർദിക് പാണ്ഡ്യയുടെ ബൗളിംഗിൽ നാല് പന്തിൽ മൂന്ന് സിക്‌സറുകൾ ഉൾപ്പെടെ 20 റൺസ് അടിച്ചെടുത്തു. എന്നിരുന്നാലും, കളി കഴിഞ്ഞ് മടങ്ങുമ്പോൾ ധോണി നടക്കാൻ ബുദ്ധിമുട്ടി മുടന്തുന്ന കാഴ്ച അദ്ദേഹത്തിൻ്റെ ആരാധകരിൽ ആശങ്ക ഉയർത്തി. മുൻ ഇന്ത്യൻ ക്യാപ്റ്റൻ ഇടതുകാലിൽ ഐസ് പായ്ക്ക് കെട്ടി അസ്വസ്ഥതയോടെ നടക്കുന്നതായി കാണിക്കുന്ന നിരവധി വീഡിയോകൾ ഉടൻ തന്നെ സോഷ്യൽ മീഡിയയിൽ പ്രത്യക്ഷപ്പെട്ടു. എന്നാൽ ധോണിയുടെ ഫിറ്റ്‌നസിനെക്കുറിച്ചുള്ള എല്ലാ ആശങ്കകൾക്കും നടുവിൽ, ഹൃദയസ്പർശിയായ ഒരു ക്ലിപ്പ് ദശലക്ഷക്കണക്കിന് ആരാധകരുടെ ശ്രദ്ധ പിടിച്ചുപറ്റി.
മത്സരത്തിന് ശേഷം ടീം ബസിൽ കയറാനുള്ള യാത്രയിൽ മുൻ സിഎസ്കെ ഓൾറൗണ്ടർ സുരേഷ് റെയ്‌ന നടക്കാൻ ബുദ്ധിമുട്ടുന്ന ധോണിക്ക് സഹായം നൽകുന്നത് വീഡിയോയിൽ കാണാം. ക്ലിപ്പ് ഒരു ദശലക്ഷം ഹൃദയങ്ങളെ കീഴടക്കുകയും ധോണിയും റെയ്‌നയും തമ്മിലുള്ള ശക്തമായ ബന്ധത്തിൻ്റെ ഓർമ്മകൾ പുതുക്കുകയും ചെയ്തു.
രണ്ട് താരങ്ങളും കളിക്കളത്തിൽ മികച്ച സൗഹൃദം പങ്കിട്ടു,. ആരാധകർ അവരുടെ ഓഫ് ഫീൽഡ് സൗഹൃദത്തെ ഒരുപോലെ അഭിനന്ദിക്കുന്നു. റെയ്‌ന കളിയിൽ നിന്ന് വിരമിച്ചതിന് ശേഷവും ധോണിയെ സഹായിക്കുന്ന ഈ ഏറ്റവും പുതിയ വീഡിയോ അവരുടെ ബന്ധം കാണിക്കുന്നു.
Suresh Raina helping Thala Dhoni when he was limping. 🥺💛pic.twitter.com/Q4yYFGujCn
— 🜲 (@balltamperrer) April 15, 2024
Read more
