റോഡ് സേഫ്റ്റി വേൾഡ് സീരിസിന്റെ സെമിഫൈനലിൽ ഓസ്ട്രേലിയൻ ലജൻഡ്സ് ടീമിനെ നേരിടുന്ന ഇന്ത്യ ലജൻഡ്സ് ടീമിന്റെ മിന്നുംതാരമായ സുരേഷ് റെയ്നയുടെ വക പറക്കും സച്ചിൻ ഇപ്പോൾ സോഷ്യൽ മീഡിയയിലെ താരം.
മഴമൂലം ഓസ്ട്രേലിയൻ ഇന്നിങ്സിന്റെ അവസാന ഭാഗത്ത് വെച്ച് തടസ്സപ്പെട്ട മത്സരം ഇന്ന് വീണ്ടും പുനരാരംഭിക്കും. എന്നാൽ മഴയെക്കാൾ വലിയ വാർത്ത ആയിരിക്കുകയാണ് റെയ്‌ന എടുത്ത ക്യാച്ച് എന്ന് പറയാം. ഈ പ്രായത്തിലും എന്നാ ഒരു ഇതാ എന്ന ഡയലോഗ് പോലെ അത്ര മികച്ചൊരു ക്യാച്ചാണ് താരം എടുത്തത്.
ടോസ് നേടിയ സച്ചിൻ ഓസ്ട്രേലിയൻ ടീമിനെ ബാറ്റിംഗിന് അയച്ചു. എന്നാൽ കണക്ക് കൂട്ടലുകൾ തെറ്റിച്ച് ടീമിന് മികച്ച തുടക്കമാണ് ലഭിച്ചത്. ഓപ്പണിംഗ് വിക്കറ്റിൽ 60 റൺസ് കൂട്ടിച്ചേർത്ത് ഷൈൻ വാട്സണും അലക്സ് ഡൂലനും ചേർന്ന സഖ്യം. 30 റൺസ് എടുത്ത വാട്സണെ രാഹുൽ ശർമയും 35 റൺസ് എടുത്ത അലക്‌സിനെ യൂസഫ് പഠാനും പുറത്താക്കി.
മൂന്നാമതായി ഇറങ്ങിയ ബെൻ ഡങ്ക്‌ പിന്നീട് വെടിക്കെട്ട് ബാറ്റിംഗ് ആണ് കാഴ്ചവച്ചത്. ഇന്ത്യൻ ഇതിഹാസങ്ങളെ യാതൊരു മായവും ഇല്ലാതെ പ്രഹരിച്ച താരം അർദ്ധ സെഞ്ചുറിക്ക് തൊട്ടരികിൽ പുറത്തായി. അഭിമന്യു മിഥുൻ എറിഞ്ഞ പതിനാറാം ഓവറിന്റെ അവസാന പന്തിൽ ആയിരുന്നു സുരേഷ് റെയ്നയുടെ മികച്ച ക്യാച്ചിലൂടെ അദ്ദേഹം പുറത്തായത്. ഓഫ് സ്റ്റമ്പിന് വെളിയിൽ കൂടെ വന്ന പന്ത് കട്ട് ഷോട്ട് കളിച്ച് ബൗണ്ടറി നേടാൻ ആയിരുന്നു ശ്രമം. വായുവിലൂടെ ഉയർന്ന് ഒരു നിത്യാഭ്യാസിയുടെ വഴക്കത്തിൽ താരം കൈയിൽ ഒതുക്കി. എതിരാളികൾ പോലും കൈയടിച്ച നിമിഷമായിരുന്നു അത്.
മത്സരം ഇന്ന് വീണ്ടും ഇന്നലെ നിർത്തിയ അവസ്ഥയിൽ നിന്ന് തന്നെ പുനരാരംഭിക്കും.
— Cric Videos (@PubgtrollsM) September 28, 2022
Read more
