ബയോ ബബിള്‍ ലംഘനം: ബാറ്റിംഗ് കോച്ചിന് മുട്ടന്‍ പണി കൊടുക്കാന്‍ ശ്രീലങ്ക

ഇംഗ്ലണ്ട് പര്യടനത്തിനിടെ താരങ്ങള്‍ മാത്രമല്ല ബാറ്റിങ് കോച്ചും മുന്‍ സിംബാബ്വെ ഓപ്പണറുമായ ഗ്രാന്റ് ഫ്ളവറും ബയോ ബബിള്‍ ലംഘിച്ചതായുള്ള ആരോപണത്തില്‍ ശ്രീലങ്കന്‍ ക്രിക്കറ്റ് ബോര്‍ഡ് അന്വേഷണം നടത്തും. കുറ്റക്കാരനെന്ന് തെളിഞ്ഞാല്‍ ഫ്ളവറിനെതിരെ കടുത്ത നടപടി വന്നേക്കമെന്നാണ് അറിയുന്നത്. ലങ്കന്‍ കോച്ചിംഗ് സ്റ്റാഫെന്ന നിലയില്‍ വര്‍ഷാന്ത്യം വരെ കരാറുള്ളയാളാണ് ഫ്ളവര്‍.

ഇംഗ്ലണ്ടുമായുള്ള ആദ്യ എകദിനത്തിന് മുന്‍പ് ബയോ ബബിള്‍ പൊട്ടിച്ച് ഡര്‍ഹാമില്‍ രാത്രി സഞ്ചാരത്തിന് ഇറങ്ങിയ വൈസ് ക്യാപ്റ്റന്‍ കുശാല്‍ മെന്‍ഡിസ്, കുശാല്‍ പെരേര, ധനുഷ്‌ക ഗുണതിലക എന്നിവര്‍ക്കെതിരേ ലങ്കന്‍ ക്രിക്കറ്റ് ബോര്‍ഡ് നടപടിയെടുത്തിരുന്നു. മൂവരെയും നാട്ടിലേക്ക് മടക്കിയ അയച്ചതിനുപുറമെ ഒരു വര്‍ഷത്തേക്ക് സസ്പെന്‍ഡ് ചെയ്യുകയുമുണ്ടായി.

SL batting coach Grant Flower tests positive

എന്നാല്‍ കളിക്കാര്‍ക്കൊപ്പം ഗ്രാന്റ് ഫ്ളവറും ബയോ ബബിളിന് പുറത്ത് കടന്നതായി റിപ്പോര്‍ട്ടുകള്‍ വന്നു. ഈ സാഹചര്യത്തിലാണ് ലങ്കന്‍ ബോര്‍ഡ് അച്ചടക്ക നടപടിക്ക് നീക്കമിടുന്നത്.

IND vs SL Series Live Streaming online in your country, India , for free

ഇംഗ്ലണ്ടില്‍ നിന്ന് തിരിച്ചുവന്നശേഷം ലങ്കന്‍ ക്യാംപില്‍ ആദ്യം കോവിഡ് സ്ഥിരീകരിച്ചത് ഫ്ളവറിനാണ്. ഇതോടെ ഇന്ത്യയുമായുള്ള പരമ്പരയുടെ ഷെഡ്യൂളില്‍ ലങ്കയ്ക്ക് മാറ്റംവരുത്തേണ്ടിവന്നിരുന്നു. ഈ മാസം 13 ന് ആരംഭിക്കേണ്ടിയിരുന്ന പര്യടനം 18 നേ ആരംഭിക്കുകയുള്ളു.