വെസ്റ്റിന്‍ഡീസിനെതിരായ ഏകദിന പരമ്പരയില്‍ യുവതാരം ശുഭ്മാന്‍ ഗില്ലും യുവതാരം അജിക്യ രഹാനയും ഉള്‍പ്പെടാത്തതില്‍ അത്ഭുതപ്പെട്ട് മുന്‍ ഇന്ത്യന്‍ നായകന്‍ സൗരവ് ഗാംഗുലി. ഇരുവരേയും ടീമിലേക്ക് പരിഗണിക്കാത്തത് തന്നെ അത്ഭുതപ്പെടുത്തുന്നതായി ഗാംഗുലി ട്വീറ്റ് ചെയ്തു.
നേരത്തേയും രഹാനയ്ക്കും ശുഭ്മാന്‍ ഗില്ലിനുമെല്ലാമായി വാദിച്ചിട്ടുളള താരമാണ് ഗാംഗുലി. ഇന്ത്യന്‍ ടീമില്‍ രഹാനയെ പരിഗണിക്കാത്തതിനെതിരെ പലപ്പോഴും ഗാംഗുലി തന്റെ വിയോജിപ്പ് രേഖപ്പെടുത്താറുണ്ട്.
കഴിഞ്ഞ ഞായറാഴ്ച്ചയാണ് വെസ്റ്റിന്‍ഡീസിനെതിരായ ഏകദിന, ടി20, ടെസ്റ്റ് ടീമുകളെ ഇന്ത്യ പ്രഖ്യാപിച്ചത്. രഹാന ടെസ്റ്റ് ടീമില്‍ ഉള്‍പ്പെട്ടെങ്കിലും ശുഭ്മാന്‍ ഗില്ലിനെ ഒരു ടീമിലേക്കും പരിഗണിച്ചിരുന്നില്ല. ഇത് ക്രിക്കറ്റ് ആരാധകരെ അമ്പരപ്പിച്ചിരുന്നു. ഗില്ലിന് ഇനിയും അവസരം ഉണ്ടെന്നാണ് ചീഫ് സെലക്ടര്‍ പ്രസാദ് ഗില്ലിനെ ഒഴിവാക്കിയതിനെ കുറിച്ച് പറഞ്ഞത്.
Read more
വെസ്റ്റിന്‍ഡീസ് പര്യടനത്തില്‍ ഇന്ത്യ എയ്ക്കായി തകര്‍പ്പന്‍ പ്രകടനമാണ് ഗില്ല് കാഴ്ച്ചവെച്ചത്. അഞ്ച് മത്സരങ്ങളില്‍ നിന്ന് 218 റണ്‍സെടുത്ത താരം മൂന്ന് അര്‍ദ്ധ സെഞ്ച്വറിയും സ്വന്തമാക്കിയിരുന്നു. ടൂര്‍ണമെന്റിലെ താരമായി തിരഞ്ഞെടുത്തതും ഗില്ലിനെ ആയിരുന്നു.
