തന്റെ മുഖ്യ ശത്രുവായ ഷഹീൻ ഷാ അഫ്രീദിക്കെതിരെ ഇത്തവണ മികച്ച പ്രകടനം പുറത്തെടുക്കാനാണ് ഒരുങ്ങി ഇരിക്കുകയാണ് രോഹിത് ശർമ്മ . ഇന്ന് രാവിലെ എംസിജിയിലെ തന്റെ ആദ്യ സെഷനിൽ, രോഹിത് ഞായറാഴ്ച പാകിസ്താനെ നേരിടുന്ന അതെ ഗ്രൗണ്ടിൽ ഒരുക്കങ്ങൾ ആരംഭിച്ചിട്ടുണ്ട് . അഫ്രീദിയെ നേരിടാൻ ഇന്ത്യൻ ടീം കോച്ച് രാഹുൽ ദ്രാവിഡ് രോഹിതിനായി പ്രത്യേക പരിശീലന സെഷൻ ആസൂത്രണം ചെയ്തിരുന്നു. മത്സരത്തിൽ രോഹിത് അഫ്രീദിയെ നേരിടുന്നത് പോലെയാണ് ഇടങ്കയ്യൻ പേസർമാരുടെ ത്രോഡൗൺ സെഷൻ രൂപകല്പന ചെയ്തത്.
ഷഹീന് മാത്രമല്ല, ഇടംകൈയ്യൻ ബൗളർമാരെ ഇന്ത്യക്ക് നല്ല പേടിയാണ് ഈ കാലഘട്ടത്തിൽ. പ്രത്യേകിച്ചും ഐസിസി ഇവന്റുകളുടെ കാര്യത്തിൽ. ഐസിസി ചാമ്പ്യൻസ് ട്രോഫി സമയത്ത് മുഹമ്മദ് ആമിർ, 2019 ലെ ഐസിസി ക്രിക്കറ്റ് ലോകകപ്പിനിടെ ട്രെന്റ് ബോൾട്ട്, 2021 ലെ ടി20 വേൾഡിനിടെ ഷഹീൻ ഷാ. പവർ പ്ലേയ്ക്കിടെ ഓപ്പണർമാർ ഇടംകൈയ്യൻ പേസർമാർക്ക് മുന്നിൽ കുടുങ്ങുന്നത് സ്ഥിരം കാഴ്ചയാണ്.
അത്ര നല്ലതല്ലാത്ത ആ റെക്കോർഡ് മാറ്റാൻ രോഹിത് ആഗ്രഹിക്കുന്നു, പ്രത്യേക ഇടംകൈ ത്രോഡൗണുകൾ നേരിടുന്ന പരിശീലനത്തിൽ അത് വിയർക്കുന്നതായി കാണപ്പെട്ടു. പവർ പ്ലേയിൽ ഷഹീനെതിരെ ആധിപത്യം സ്ഥാപിക്കാനും തങ്ങളുടെ ഏറ്റവും വലിയ ചിരവൈരികളായ പാകിസ്ഥാനെതിരെ ഇന്ത്യയ്ക്ക് മികച്ച തുടക്കം നൽകാനും ഇന്ത്യൻ നായകൻ ആഗ്രഹിക്കുന്നു.
വ്യാഴാഴ്ചയാണ് രോഹിത് ശർമ്മയുടെ നേതൃത്വത്തിലുള്ള ടീം മെൽബണിലെത്തിയത്. ഞായറാഴ്ച എം‌സി‌ജിയിൽ പാകിസ്ഥാനെ നേരിടുന്നതിന് മുമ്പ് ഇന്ത്യയുടെ ആദ്യ പരിശീലന സെഷൻ ഇന്ന് നടക്കും. ഹർഷൽ പട്ടേൽ അല്ലെങ്കിൽ മുഹമ്മദ് ഷമി, അക്സർ പട്ടേൽ അല്ലെങ്കിൽ അശ്വിൻ എന്നിങ്ങനെ രണ്ട് പസിലുകൾ പരിഹരിക്കാൻ ഇന്ത്യ ആഗ്രഹിക്കുന്നു. നാല് കളിക്കാർ, എന്നാൽ രണ്ട് സ്ഥാനങ്ങൾ മാത്രം. ഓസ്‌ട്രേലിയയ്‌ക്കെതിരെ ഷമിയും അശ്വിനും മികച്ച പ്രകടനമാണ് നടത്തിയത്. 2022ൽ ഷമിയെയും അശ്വിനെയും അപേക്ഷിച്ച് ഹർഷലും അക്സറും സ്ഥിരമായി ടി20 കളിക്കുന്നുണ്ട്.
Read more
ഹർഷൽ, ഷമി, പട്ടേൽ, അശ്വിൻ എന്നിവരിൽ ആരൊക്കെയാണ് പാകിസ്ഥാനെതിരായ പ്ലെയിംഗ് ഇലവനിൽ അംഗമാകുന്നത് എന്നതിന്റെ വ്യക്തമായ ചിത്രം ഒരു പരിശീലന സെഷൻ നൽകും.
