വിവാദ സ്പിന്നറായ ഉസ്മാന് താരിഖിന്റെ മികവിൽ പാകിസ്താന് രണ്ടാം ജയം. യുഎസ്എയ്ക്കെതിരെ നടന്ന മത്സരത്തിൽ 32 റൺസിനാണ് പാകിസ്ഥാൻ` വിജയം സ്വന്തമാക്കിയത്. ഉസ്മാന് താരിഖിന് മൂന്ന് വിക്കറ്റ് നേടി. പാകിസ്താൻ ഉയർത്തിയ 191 റൺസ് വിജയലക്ഷ്യത്തിലേക്ക് ബാറ്റുവീശിയ യുഎസ്എയുടെ മറുപടി നിശ്ചിത 20 ഓവറിൽ എട്ട് വിക്കറ്റ് നഷ്ടത്തില് 158 റണ്സില് അവസാനിച്ചു.
സ്പിന്നർമാരുടെ മികവിലാണ് പാക് ജയം. മൂന്ന് വിക്കറ്റ് വീഴ്ത്തിയ ഉസ്മാന് താരിഖാണ് യുഎസ്എയെ തകർത്തത്. താരം 4 ഓവറില് 27 റണ്സ് വഴങ്ങി 3 വിക്കറ്റെടുത്തു. ഷദബ് ഖാന് 2 വിക്കറ്റെടുത്തു. മുഹമ്മദ് നവാസ്, അബ്രാര് അഹമദ്, ഷഹീന് അഫ്രീദി എന്നിവര് ഓരോ വിക്കറ്റെടുത്തു.
Read more
പാകിസ്താന് വേണ്ടി ഷാഹിബ്സാദ ഫര്ഹാന് അര്ധ സെഞ്ച്വറി നേടി. 41 പന്തില് 73 റൺസ് നേടിയ ഫര്ഹാനാണ് പാകിസ്താന്റെ ടോപ് സ്കോറർ. ബാബര് അസം (32 പന്തില് 46), ഷദാബ് ഖാന് (12 പന്തില് 30) എന്നിവരാണ് തിളങ്ങിയ മറ്റുതാരങ്ങള്. സെയിം അയൂബാണ് (19) രണ്ടക്കം കണ്ട മറ്റൊരു താരം.
