പണിയാൻ തുനിഞ്ഞിറങ്ങിയാൽ ദാദയോളം വരില്ല ഒരുത്തനും, കോഹ്‌ലിക്ക് ഗാംഗുലിയുടെ മറുപണി

മുൻ ബിസിസിഐ പ്രസിഡന്റും ഡൽഹി ക്യാപിറ്റൽസ് ക്രിക്കറ്റ് ഡയറക്ടറുമായ സൗരവ് ഗാംഗുലിയെ ഇന്ത്യൻ ക്യാപ്റ്റനും ആർസിബി ബാറ്ററുമായ വിരാട് കോഹ്‌ലി ഇൻസ്റ്റാഗ്രാമിൽ അൺഫോളോ ചെയ്തതായി റിപ്പോർട്ട് ഇന്നലെ വന്നിരുന്നു. ഇരുവരും ഹസ്‌തദാനം നൽകാതെ പിരിഞ്ഞതിന്റെ വീഡിയോ വൈറലായതിന് പിന്നാലെയാണ് ഇത് സംഭവിച്ചിരിക്കുന്നത്. ഡിസിക്കെതിരായ ആർസിബിയുടെ അടുത്തിടെ അവസാനിച്ച മത്സരത്തിനിടെ, ബാറ്റർ റിക്കി പോണ്ടിങ്ങുമായി സംസാരിച്ചുകൊണ്ടിരിക്കെ, കോഹ്‌ലിക്ക് കൈ കൊടുക്കാതെ താരം മുന്നോട്ട് നടക്കുക ആയിരുന്നു.

ഇപ്പോഴിതാ പകരത്തിന് പകരം ചോരക്ക് ചോര എന്ന് പറയുന്നത് പോലെ കോഹ്‌ലിയെ തിരികെ ഗാംഗുലിയും അൺഫോള്ളോ ചെയ്തിരിക്കുന്നതായി റിപോർട്ടുകൾ സൂചിപ്പിക്കുന്നു. കഴിഞ്ഞ ദിവസം ഉണ്ടായ വലിയ വിവാദങ്ങളുടെ പശ്ചാത്തലത്തിലാണ് ഇരുവരും ഇത്ര വേഗം ഈ നിലപാടലുകൾ സ്വീകരിച്ചത്.

കളിയിൽ 23 റൺസിന് ആർസിബി ഡിസിയെ പരാജയപ്പെടുത്തി, അതുവഴി ടൂർണമെന്റിലെ തുടർച്ചയായ അഞ്ചാം പരാജയം സന്ദർശക ടീമിന് സമ്മാനിച്ചു. കളിക്കാർ കൈ കൊടുക്കുമ്പോൾ , കോഹ്‌ലിയും പോണ്ടിങ്ങും സംസാരിക്കുന്നത് കാണാമായിരുന്നു. , ഗാംഗുലി പോണ്ടിംഗിന്റെ പിന്നിൽ നിൽക്കുകയായിരുന്നു, ക്യൂവിൽ മുന്നോട്ട് കയറി , കോഹ്‌ലിയുടെ പിന്നിലുള്ള കളിക്കാരുമായി കൈ കൊടുത്ത് ദാദ മുന്നോട്ട് നടന്നുനീങ്ങുക ആയിരുന്നു.