അല്ലു അര്‍ജുനെ നായകനാക്കി അറ്റ്‌ലീ സംവിധാനം ചെയ്യുന്ന പുതിയ ചിത്രം ആരംഭിച്ചു. ചിത്രത്തിന്റെ പ്രീ പ്രൊഡക്ഷന്‍ ജോലികളാണ് ആരംഭിച്ചിരിക്കുന്നത്. സണ്‍ പിക്‌ചേഴ്‌സ് നിര്‍മ്മിക്കുന്ന ചിത്രത്തിന്റെ പ്രാരംഭ ജോലികള്‍ക്കായി അറ്റ്‌ലി ഹൈദരാബാദില്‍ എത്തിച്ചേര്‍ന്നിരിക്കുകയാണ്. എയര്‍പോര്‍ട്ടില്‍ നിന്നുള്ള അറ്റ്‌ലിയുടെ ദൃശ്യങ്ങള്‍ സോഷ്യല്‍ മീഡിയയില്‍ വൈറലായിട്ടുണ്ട്.
അല്ലു അര്‍ജുന്റെ പിറന്നാള്‍ ദിനത്തിലാണ് ഈ ബ്രഹ്‌മാണ്ഡ സിനിമയുടെ പ്രഖ്യാപനം നടന്നിരുന്നത്. ഇന്ത്യയിലെ ഏറ്റവും വിലപിടിപ്പുള്ള സംവിധായകനും നായകനും ഒന്നിക്കുന്ന ചിത്രം സയന്‍സ് ഫിക്ഷന്‍ ഗണത്തില്‍പെടുന്ന സിനിമയായാണ് ഒരുങ്ങുന്നത് എന്നാണ് വിവരം. സൂപ്പര്‍ഹീറോയായാണ് അല്ലു അര്‍ജുന്‍ വേഷമിടുന്നത് എന്നും റിപ്പോര്‍ട്ടുകള്‍.
Blockbuster Director #Atlee has landed in Hyderabad. Pre-production of #AA22xA6 is in full swing. Excitement builds as two powerhouses come together for this much anticipated film.@alluarjun @Atlee_dir @sunpictures pic.twitter.com/pr7sY1hycH
— Sarath Chandra Naidu (@imsarathchandra) May 21, 2025
ചിത്രത്തിനായി വിഎഫ്എക്‌സ് ചെയ്യുന്നത് ഹോളിവുഡിലെ പ്രമുഖ വിഎഫ്എക്‌സ് സ്റ്റുഡിയോസ് ആണ്. അല്ലു അര്‍ജുന്റെ 22-ാമത്തെ ചിത്രവും അറ്റ്‌ലിയുടെ ആറാമത്തെ ചിത്രവുമാണിത്. ഹോളിവുഡ് നിലവാരത്തിലുള്ള ആക്ഷന്‍ രംഗങ്ങള്‍ ഇതിലുണ്ടാകുമെന്നും റിപ്പോര്‍ട്ടുകള്‍ പറയുന്നുണ്ട്. ‘പുഷ്പ 2’വിന് ശേഷം അല്ലു അര്‍ജുന്‍ അഭിനയിക്കുന്ന ചിത്രമാണിത്.
Read more
മാത്രമല്ല, ഈ ചിത്രത്തില്‍ അല്ലു അര്‍ജുന്‍ മൂന്ന് വ്യത്യസ്ത കഥാപാത്രങ്ങള്‍ അവതരിപ്പിക്കുന്നു എന്നാണ് നായകനും വില്ലനും അല്ലു തന്നെയായിരിക്കും കൂടാതെ ഒരു ആനിമേഷന്‍ കഥാപാത്രമായും അല്ലു പ്രത്യക്ഷപ്പെടും. മൂന്ന് വ്യത്യസ്ത വേഷങ്ങളില്‍ അല്ലു അര്‍ജുന്‍ ഒരു ചിത്രത്തില്‍ എത്തുന്നത് ഇത് ആദ്യമായാണ്.
