ഒരു രൂപ പോലും ശമ്പളം വേണ്ടെന്ന് റമീസ് രാജ; വേറെ ചില ഗുണങ്ങളില്ലേ എന്ന് ആമിറിന്റെ പരിഹാസം

പാകിസ്ഥാന്‍ ക്രിക്കറ്റ് ബോര്‍ഡ് ചെയര്‍മാന്‍ എന്ന നിലയില്‍ ഒരു രൂപ പോലും ശമ്പളം വാങ്ങില്ലെന്ന് പ്രഖ്യാപിച്ച റമീസ് രാജയെ പരിഹസിച്ച് പാക് മുന്‍താരം മുഹമ്മദ് ആമിര്‍. ചെയര്‍മാന്‍ എന്ന നിലയില്‍ ശമ്പളം വാങ്ങിയില്ലെങ്കിലും മറ്റു ചില ഗുണങ്ങളുണ്ടല്ലോ എന്നാണ് ആമിറിന്റെ പരിഹാസം.

‘എന്റെ അറിവില്‍ പിസിബി ചെയര്‍മാന് പ്രത്യേകിച്ച് മാസ ശമ്പളമൊന്നുമില്ല. പകരം മറ്റു ചില ഗുണങ്ങളാണുള്ളത്. ഒരുപക്ഷേ എന്റെ അറിവ് തെറ്റായിരിക്കാം. ഞാന്‍ കേട്ടിട്ടുള്ളത് അങ്ങനെയാണ്’ ആമിര്‍ ട്വീറ്റ് ചെയ്തു.

Ramiz Raja: Lot of work to be done to reach 'comfortable level' with BCCI - The Week

പാകിസ്ഥാന്‍ ക്ലബ്ബ് പ്രസിഡന്റുമാരുടെ യോഗത്തിലാണ് റമീസ് രാജ ശമ്പളം വാങ്ങില്ലെന്ന് വ്യക്തമാക്കിയത്. ആകര്‍ഷകമായ കരിയര്‍ വേണ്ടെന്നു വെച്ചാണ് ചെയര്‍മാന്‍ സ്ഥാനം ഏറ്റെടുത്തതെന്നും റമീസ് രാജ പറഞ്ഞിരുന്നു. ഇതിന് പിന്നാലെയാണ് ആമിറിന്റെ പ്രതികരണം.

India vs Pakistan | Amir Inspired by Memory of Late Mother Ahead of High-Voltage Encounter

കഴിഞ്ഞ വര്‍ഷം ഡിസംബറില്‍ പാകിസ്ഥാന്‍ മാനേജ്മെന്റുമായി തെറ്റി പിരിഞ്ഞ് ആമിര്‍ അന്താരാഷ്ട്ര ക്രിക്കറ്റില്‍ നിന്ന് വിരമിച്ചിരുന്നു. തുടര്‍ന്ന് പാകിസ്ഥാന്‍ വിട്ട താരം കുടുംബത്തോടൊപ്പം യു.കെയിലാണ് താമസം. പാകിസ്ഥാനായി 61 ഏകദിനങ്ങളില്‍നിന്ന് 81 വിക്കറ്റും 50 20 മത്സരങ്ങളില്‍ നിന്ന് 59 വിക്കറ്റും 36 ടെസ്റ്റുകളില്‍ നിന്ന് 119 വിക്കറ്റുകളും താരം നേടിയിട്ടുണ്ട്.