ബുധനാഴ്ച നടന്ന മൂന്നാമത്തെയും അവസാനത്തെയും മത്സരത്തിൽ 110 റൺസിൻ്റെ ശക്തമായ വിജയം നേടിയതോടെ ഉഭയകക്ഷി ഏകദിന പരമ്പരയിൽ ഇന്ത്യയെ തോൽപ്പിക്കാനുള്ള 27 വർഷത്തെ നീണ്ട കാത്തിരിപ്പിന് ശ്രീലങ്ക വിരാമമിട്ടു. മൂന്നാം ഏകദിനത്തില് ഇന്ത്യക്ക് 110 റണ്സിന്റെ ദയനീയ തോല്വി. കൊളംബൊ, പ്രേമദാസ സ്റ്റേഡിയത്തില് 249 റണ്സിന്റെ വിജയലക്ഷ്യമാണ് ശ്രീലങ്ക മുന്നോട്ടുവച്ചത്. അവിഷ്ക ഫെര്ണാണ്ടോ (96), കുശാല് മെന്ഡിന്സ് (59) എന്നിവര് മികച്ച പ്രകടനം പുറത്തെടുത്തു. മറുപടി ബാറ്റിംഗ് ആരംഭിച്ച ഇന്ത്യ 26.1 ഓവറില് 138ന് എല്ലാവരും പുറത്തായി. അഞ്ച് വിക്കറ്റ് നേടിയ ദുനിത് വെല്ലാലഗെയാണ് ഇന്ത്യയെ തകര്ത്തത്. ഇതോടെ മൂന്ന് മത്സരങ്ങളുടെ പരമ്പര ആതിഥേയര് 2-0ത്തിന് സ്വന്തമാക്കി. ആദ്യ മത്സരം ടൈയില് അവസാനിച്ചിരുന്നു.
ഇന്ത്യയെ സംബന്ധിച്ച് സമീപകാലത്ത് ഏറ്റവും മോശം പ്രകടനങ്ങളിൽ ഒന്നാണ് അവർ നടത്തിയത്. രോഹിത്തിന്റെ പ്രകടനം ഒഴിക്കിണർത്തിയാൽ ബാക്കി ബാറ്റർമാർ അരയും ശരാശരിക്ക് മുകളിൽ ഉള്ള പ്രകടനം കാണിച്ചില്ല. ശ്രീലങ്കൻ സ്പിന്നര്മാര് ഒരുവശത്ത് നിറഞ്ഞാടിയ പരമ്പരയിൽ ഇന്ത്യൻ സ്പിന്നര്മാര് ആധിപത്യം നേരിടുന്നതിൽ പരാജയപെട്ടു എന്ന് പറയാം. കുൽദീപ് അടക്കമുള്ളവരുടെ പ്രകടനത്തെ പലരും ചോദ്യം ചെയ്യുകയും ചെയ്യുന്നുണ്ട്.
മത്സരത്തിൽ ഇന്ത്യൻ താരം റിയാൻ പരാഗ് തന്റെ അരങ്ങേറ്റ മത്സരം നടത്തി. ആദ്യ ഏകദിന മത്സരത്തിൽ തന്നെ മൂന്നു വിക്കറ്റുകളും അദ്ദേഹം നേടി. എങ്കിലും ഇത്തവണ ബോളിങ് യൂണിറ്റ് മികച്ച പ്രകടനം നടത്തി എന്ന് പറയാൻ സാധിക്കില്ല. വിക്കറ്റുകൾ നേടുന്നതിലും റൺസ് കണ്ട്രോൾ ചെയ്യുന്നതിലും താരങ്ങൾ ചില സമയത്ത് പരാജയപ്പെട്ടിരുന്നു. മത്സരത്തിൽ രണ്ട് മാറ്റങ്ങളോടെയാണ് ഇന്ത്യൻ ടീം കളത്തിൽ ഇറങ്ങിയത്. ആർഷദീപിനെ മാറ്റി തന്റെ ആദ്യ ഏകദിന മത്സരം കളിക്കുവാൻ ഗംഭീർ ഇത്തവണ റിയാൻ പരാഗിനെ പകരക്കാരനായി തിരഞ്ഞെടുത്തു. കൂടാതെ കെ എൽ രാഹുലിന് പകരം ഇത്തവണ പന്തിനാണ് വിക്കറ്റ് കീപ്പിങ് സ്ഥാനവും നൽകിയത്.
മത്സരത്തിലെ തോൽവിക്ക് പിന്നാലെ രോഹിത് ശർമ്മ പറഞ്ഞത് ഇങ്ങനെ:
“ക്രെഡിറ്റ് ലഭിക്കേണ്ടിടത്ത് ഞങ്ങൾ ക്രെഡിറ്റ് നൽകണം, ശ്രീലങ്ക ഞങ്ങളെക്കാൾ നന്നായി കളിച്ചു,” ശർമ്മ പറഞ്ഞു. “ഇതുപോലുള്ള സാഹചര്യങ്ങൾക്കെതിരെ വരുമ്പോൾ എന്താണ് ചെയ്യേണ്ടതെന്ന് ഞങ്ങൾ തിരികെ പോയി നോക്കേണ്ടതുണ്ട്. പരമ്പര നഷ്ടമായത് ലോകാവസാനം എന്നല്ല അർത്ഥമാക്കുന്നത്. ഇന്ത്യ വളരെ നന്നായി കളിക്കുന്നുണ്ട്. സ്ഥിരത നിലനിർത്തുന്നതാണ് പ്രധാനം. ചിലപ്പോൾ പരമ്പര നഷ്ടപ്പെടും.” രോഹിത് പറഞ്ഞു.
Read more
എന്തായാലും ജസ്പ്രീത് ബുംറ ഇല്ലാതെ ഉള്ള ഇന്ത്യൻ ടീം പൂജ്യം ആണെന്നുള്ള അഭിപ്രായമാണ് പലരും പറഞ്ഞത്.
