വിരാട് കോഹ്ലി സ്വാർത്ഥനായ ക്രിക്കറ്റ് താരം ആണോ? ക്രിക്കറ്റിനെ സ്നേഹിക്കുന്ന മത്സരങ്ങൾ ആസ്വദിക്കുന്ന ആർക്കും അങ്ങനെ ഒന്നും തോന്നാൻ വഴിയില്ല. ഒരു സമയത്ത് തന്നെ ബുദ്ധിമുട്ടിച്ച മോശം ഫോമിന്റെ കാലത്തെ അതിജീവിച്ച് താരം ഇപ്പോൾ മികച്ച ഫോമിലാണ്. അർദ്ധ സെഞ്ചുറികളും സെഞ്ചുറികളും അദ്ദേഹത്തിന്റെ ബാറ്റിൽ നിന്ന് ഈ കാലയളവിൽ ധാരളം പിറക്കുന്ന കാഴ്ചയും നമ്മൾ കണ്ടുകഴിഞ്ഞു.
8 മത്സരങ്ങളിൽ നിന്നായി 333 റൺസുകൾ നേടിയ കോഹ്ലിയാണ് ഈ ടൂർണമെന്റിൽ ഏറ്റവും കൂടുതൽ റൺസ് നേടിയവരുടെ ലിസ്റ്റിൽ അദ്ദേഹം രണ്ടാം സ്ഥാനത്താണ്. 422 റൺസുമായി ആർസിബി നായകൻ ഫാഫാണ് ഒന്നാം സ്ഥാനത്ത്. ആർസിബിയുടെ മുന്നേറ്റം തന്നെ ഫാഫ്, കോഹ്ലി, മാക്സ്വെല് സഖ്യത്തിന്റെ ചിറകിലേറി. ഇവർ പതറിയാൽ അല്ലെങ്കിൽ ഇവരിൽ 2 പേർക്ക് പിഴച്ചാൽ ടീം തകരുന്ന കാഴ്ച്ച നമ്മൾ കണ്ട് കഴിഞ്ഞു.
ഇന്നലെ കൊൽക്കത്തയുമായി നടന്ന മത്സരത്തിൽ ഫാഫിനും മാക്സ്വെല്ലിനും പിഴച്ചപ്പോൾ അർദ്ധ സെഞ്ച്വറി നേടിയ കോഹ്ലിയാണ് അവർക്ക് പ്രതീക്ഷ നൽകിയത്. കാര്യങ്ങൾ ഇങ്ങനെയൊക്കെ ആണെങ്കിലും കോഹ്ലിയെ കുറ്റം പറയുന്നവർ ചോദിക്കുന്ന ഒരു കാര്യമുണ്ട്. കോഹ്ലി എന്തുകൊണ്ടാണ് ഒരു സ്വാർത്ഥനാകുന്നത്? സ്വന്തം നേട്ടങ്ങൾക്ക് വേണ്ടി കളിക്കുന്നതെന്ന്?
ഇന്നലെ 54 റൺ നേടിയാണ് കോഹ്ലി പുറത്തായത്. ഇതിൽ 30 റൺ പിറന്നത് 15 പന്തുകളിൽ നിന്നാണ്. എന്നാൽ പിന്നീട് അദ്ദേഹം 24 റൺ നേടിയപ്പോൾ അതിനായി വേണ്ടി വന്നത് 22 റൺസാണ്. അതായത് വ്യക്തിപരമായ നേട്ടങ്ങൾക്ക് വേണ്ടി കളിക്കുന്നതിനാൽ കോഹ്ലി ശ്രദ്ധിച്ചു കളിച്ചു എന്നും അതിനായി പന്തുകൾ കളഞ്ഞു എന്നുമാണ് വിമർശനത്തിൽ പറയുന്നത്.
ഇന്നലെ മുംബൈ പോലീസ് എന്ന പേരിലുള്ള ട്വിറ്റര് അക്കൗണ്ട് ചെയ്ത പോസ്റ്റ് ഇങ്ങനെ : “വിരാട് കോഹ്ലി 50ന് അടുത്ത് വേഗത കുറയ്ക്കുന്നത് പോലെ സീബ്രാ ക്രോസിംഗിൽ വേഗത കുറയ്ക്കുക.”. എന്നാൽ സാഹചര്യങ്ങൾക്ക് അനുസരിച്ച് കളിക്കാൻ കോഹ്ലിക്ക് അറിയാമെന്നും അതിന് അദ്ദേഹത്തെ കളിയാക്കണ്ടെന്നും ആരാധകർ പറയുന്നുണ്ട്.
Slow down at the zebra crossing, just like Virat Kohli used to slow down near the 50.#RCBvKKR | #MumbaiPolice pic.twitter.com/3pD7NrCkjS
— Mumbai Police (@MumbaiPolicee) April 26, 2023
Read more