ഐപിഎലിൽ ഇന്നലെ നടന്ന മത്സരത്തിൽ പഞ്ചാബ് കിങ്സിനെ 6 വിക്കറ്റുകൾക്ക് പരാജയപ്പെടുത്തിയിരിക്കുകയാണ് രാജസ്ഥാൻ റോയൽസ്. യുവ താരങ്ങളായ യശസ്വി ജയ്സ്വാൾ വൈഭവ് സൂര്യവൻഷി, ഡെണോവോൻ, ശുഭം ദുബെ എന്നിവരുടെ മികവിലാണ് രാജസ്ഥാൻ വിജയിച്ചത്. ഇതോടെ ഐപിഎലിലെ തങ്ങളുടെ ആദ്യ തോൽവി ഏറ്റുവാങ്ങിയിരിക്കുകയാണ് പഞ്ചാബ് കിങ്സ്.
കുറച്ച് ദിവസങ്ങൾക്ക് മുൻപ് വൈഭവിന്റെ ബാറ്റിനുള്ളില് ‘എഐ ചിപ്പ്’ ഒളിപ്പിച്ചിട്ടുണ്ട് എന്ന ആരോപണവുമായി പാകിസ്താൻ ക്രിക്കറ്റ് നിരീക്ഷകൻ നൗമാൻ നിയാസ് രംഗത്തെത്തിയിരുന്നു. ഇതിന് പിന്നാലെ ഇത് സത്യമാണോ എന്ന ചോദ്യവുമായി ആരാധകർ രംഗത്തെത്തിയിരുന്നു.
Read more
രാജസ്ഥാന് റോയല്സ് തങ്ങളുടെ എക്സ് അക്കൗണ്ടില് പങ്കുവെച്ച വീഡിയോയിലാണ് ഈ ചോദ്യത്തിന് വൈഭവ് മറുപടി നല്കിയത്. ‘ഭഗവാന് വച്ചുതന്നതാണ്. നിന്റെ ബാറ്റില് ഞാന് എന്തോ ഒന്ന് വെച്ചു തരുന്നുണ്ടെന്ന് മുകളില് നിന്ന് അദ്ദേഹം എന്നോട് പറഞ്ഞിരുന്നു. ഞാന് അത് ഉപയോഗിക്കുന്നു എന്ന് മാത്രം.’ വൈഭവ് പറഞ്ഞു.
