ഇംഗ്ലണ്ടുമായി പട്ടൗഡി ട്രോഫി പങ്കിട്ടതിന് ശേഷം, ടീം ഇന്ത്യ ഇപ്പോൾ സതാംപ്ടണിൽ ആരംഭിക്കുന്ന വൈറ്റ്-ബോൾ പരമ്പരയിലേക്ക് ശ്രദ്ധ കേന്ദ്രീകരിക്കുന്നു. കോവിഡ് -19 കാരണം വീണ്ടും ഷെഡ്യൂൾ ചെയ്‌ത അഞ്ചാം ടെസ്റ്റ് നഷ്‌ടമായ ക്യാപ്റ്റൻ രോഹിത് ശർമ്മ ശാരീരികക്ഷമതയുള്ളതിനാൽ മെൻ ഇൻ ബ്ലൂ ടീമിനെ നയിക്കാൻ തിരിച്ചെത്തും.
സന്ദർശകർ വരാനിരിക്കുന്ന പരമ്പരയെ തങ്ങളുടെ യുവതാരങ്ങളാൽ സമ്പന്നമായ ബെഞ്ച് ശക്തി പരീക്ഷിക്കാനുള്ള അവസരമായി എടുക്കും. വിരാട് കോഹ്‌ലി, ഋഷഭ് പന്ത്, ജസ്പ്രീത് ബുംറ എന്നിവരെപ്പോലുള്ളവർ വ്യാഴാഴ്ചത്തെ ഏറ്റുമുട്ടലിൽ ഉണ്ടാകില്ല എന്നതിനാൽ, ലഭ്യമായ വിഭവങ്ങൾ ഉപയോഗിച്ച് ബാലൻസ് കണ്ടെത്താൻ ടീം ശ്രമിക്കും. എന്നിരുന്നാലും, അടുത്ത രണ്ട് മത്സരങ്ങൾക്കായി നിലവിലെ ടീമിൽ നിന്ന് ആരെ എടുക്കണം ആരെ ഒഴിവാക്കണം എന്ന കൺഫ്യൂഷനിലാണ് ടീം ഇപ്പോൾ.
2021 ലെ ടി20 ലോകകപ്പിൽ നിന്ന് ഇന്ത്യ അപ്രതീക്ഷിതമായി പുറത്തായതിനാൽ , ഈ വർഷാവസാനം ലോകകപ്പ് ജയിക്കാൻ ടീമിന് കഴിവുള്ള ഒരു കൂട്ടം കളിക്കാരെ സൃഷ്ടിക്കുന്നതിലാണ് ശ്രദ്ധ കേന്ദ്രീകരിച്ചിരിക്കുന്നത്. വ്യത്യസ്ത സാഹചര്യങ്ങളിൽ ധാരാളം പുതിയ കളിക്കാരെ പരീക്ഷിച്ചതിനാൽ, ടീം മാനേജ്മെന്റ് ഇനി അതെല്ലാം സോർട് ചെയ്യും.
2022 ലെ ടി20 ലോകകപ്പിനുള്ള കളിക്കാരെ ഷോർട്ട്‌ലിസ്റ്റ് ചെയ്യുന്ന പ്രക്രിയ ഇന്ത്യ ആരംഭിക്കണമെന്ന് മുൻ ഇന്ത്യൻ പേസർ സഹീറും കരുതുന്നു. എന്നിരുന്നാലും, തീരുമാനമെടുക്കുന്നവർക്ക് ഇത് എളുപ്പമാകില്ലെന്നും അദ്ദേഹം കൂട്ടിച്ചേർത്തു.
“ടി20 ലോകകപ്പിനുള്ള തയ്യാറെടുപ്പ് ഇപ്പോൾ തുടങ്ങണം. ഇംഗ്ലണ്ടിലെയും ഓസ്‌ട്രേലിയയിലെയും സാഹചര്യങ്ങൾ വ്യത്യസ്തമാണ്, അതിനാൽ അത് മനസ്സിൽ സൂക്ഷിക്കണം. നിങ്ങൾക്ക് ഇത്രയും വലിയ സ്ക്വാഡ് ഉള്ളപ്പോൾ, ഏത് കളിക്കാരാണ് കളിക്കേണ്ടതെന്ന് നിർണ്ണയിക്കുന്നത് ബുദ്ധിമുട്ടാണ്, ”സഹീർ ക്രിക്ക്ബസിനോട് പറഞ്ഞു.
Read more
2011 ലോകകപ്പ് ജേതാവ് തിരഞ്ഞെടുക്കാനുള്ള മുൻ‌നിരക്കാരായ കുറച്ച് പേരുകൾ എടുത്തുകാണിച്ചു. ഈയിടെ മികച്ച ഫോമിലുള്ള ഇഷാൻ കിഷനും ദിനേശ് കാർത്തിക്കും മറ്റ് കളിക്കാരെ തീർച്ചയായും സമ്മർദ്ദത്തിലാക്കുമെന്ന് അദ്ദേഹം അഭിപ്രായപ്പെട്ടു.
