ഐപിഎല്ലിൽ മുംബൈക്ക് പിന്നാലെ പ്ലേ ഓഫ് കാണാതെ പുറത്താകുന്ന രണ്ടാമത്തെ ടീമായി പഞ്ചാബ് കിങ്‌സ് മാറി. ധരംശാലയിൽ ഇന്നലെ നടന്ന മത്സരത്തിൽ റോയൽ ചലഞ്ചേഴ്‌സ് ബാംഗ്ലൂർ 60 റൺസിനാണ് പഞ്ചാബിനെ തോൽപ്പിച്ചത്. ആദ്യം ബാറ്റ് ചെയ്ത് 242 റൺസ് വിജയലക്ഷ്യമാണ് ആർസിബി മുന്നോട്ടുവച്ചത്. വിരാട് കോലിയുടെ (47 പന്തിൽ 92) ഇന്നിംഗ്‌സാണ് മികച്ച സ്‌കോറിലേക്ക് നയിച്ചത്. രജത് പടീധാർ 23 പന്തിൽ 55 റൺസെടുത്തു. കാമറോൺ ഗ്രീൻ (27 പന്തിൽ 46), ദിനേശ് കാർത്തിക് (7 പന്തിൽ 18) എന്നിവരും തിളങ്ങി. മറുപടി ബാറ്റിംഗിൽ പഞ്ചാബ് 17 ഓവറിൽ 181ന് എല്ലാവരും പുറത്താക്കുക ആയിരുന്നു. സിറാജ് മൂന്ന് വിക്കറ്റ് വീഴ്ത്തി തിളങ്ങിയത് ആർസിബിക്കും ഇന്ത്യക്കും ഒരുപോലെ ആവേശമായി.
സ്ട്രൈക്ക് റേറ്റിന്റെ പേരിൽ ഏറെ നാളുകളായി വിമർശനം കേൾക്കുന്ന ഇത്തവണത്തെ സീസണിലെ ഓറഞ്ച് ക്യാപ് ജേതാവ് കൂടിയായ കോഹ്‌ലി ഇന്നലെ 7 ഫോറിന്റെയും 6 സിക്സിന്റെയും അകമ്പടിയോടെയാണ് 92 റൺസ് എടുത്തത്. അത് പിറന്നത് ആകട്ടെ 195 .74 എന്ന തകർപ്പൻ സ്ട്രൈക്ക് റേറ്റിലുമാണ്,
1 സെഞ്ചുറിയും അഞ്ച് അർധസെഞ്ചുറികളും ഉൾപ്പെടെ 634 റൺസ് നേടിയ വിരാട് കോഹ്‌ലിയാണ് മികച്ച പ്രകടനം നടത്തി ഈ സീസണിൽ അറൈസ്ബയ്ക്ക് വേണ്ടി നിർണായകമായത്. സാം കറാൻ നയിക്കുന്ന ടീമിനെതിരെ 47 പന്തിലാണ് തകർപ്പൻ നേട്ടം കൈവരിച്ചത്. മുൻ ഇന്ത്യൻ താരം ഹർഭജൻ സിംഗ് അദ്ദേഹത്തെ മിസ്റ്റർ കോൺസിസ്റ്റൻ്റ് എന്ന് വിളിച്ചു.
Read more
“മിസ്റ്റർ കോൺസിസ്റ്റൻ്റ് കോഹ്‌ലി അതിമനോഹരമായി ഈ സീസണിൽ കളിച്ചു.” ഹർഭജൻ കുറിച്ചു. 2024 ലെ ഐസിസി ടി20 ലോകകപ്പിൽ വിരാട് ടീം ഇന്ത്യയുടെ പ്രധാന കളിക്കാരനായിരിക്കും. അന്താരാഷ്ട്ര ക്രിക്കറ്റിലെ തൻ്റെ ഇഷ്ടസ്ഥാനമായ മൂന്നാം നമ്പറിൽ അദ്ദേഹം ബാറ്റ് ചെയ്യാൻ സാധ്യതയുണ്ട്. ഇന്ത്യ തങ്ങളുടെ രണ്ടാം ടി20 ലോകകപ്പ് കിരീടം നേടാനുള്ള ശ്രമത്തിലാണ്.
