ഇന്ത്യന്‍ സൂപ്പര്‍ വിക്കറ്റ് കീപ്പര്‍ ബാറ്റര്‍ കെഎല്‍ രാഹുല്‍ പരിക്കില്‍ നിന്ന് മുക്തി നേടാനാകാതെ ബെംഗളൂരുവിലെ നാഷണല്‍ ക്രിക്കറ്റ് അക്കാദമിയില്‍ പുനരധിവാസത്തില്‍ കഴിയുകയാണ്. പരിക്കിനെ തുടര്‍ന്ന് രാഹുല്‍ ഇംഗ്ലണ്ടിനെതിരായ അഞ്ച് മത്സരങ്ങളുടെ പരമ്പരയിലെ നാല് ടെസ്റ്റുകളില്‍ നിന്ന് പുറത്തായിരുന്നു. എന്നിരുന്നാലും ഇന്ത്യന്‍ പ്രീമിയര്‍ ലീഗ് (ഐപിഎല്‍) 2024 ല്‍ ലഖ്നൗ സൂപ്പര്‍ ജയന്റ്സിനായി കളിച്ച് കളത്തിലേക്ക് തിരിച്ചുവരവ് നടത്താന്‍ അദ്ദേഹം ആഗ്രഹിക്കുന്നു.
എന്‍സിഎയിലെ തന്റെ വര്‍ക്കൗട്ടിന്റെ ചിത്രങ്ങള്‍ പങ്കുവെച്ചുകൊണ്ട് അദ്ദേഹം തന്റെ വീണ്ടെടുപ്പിനെക്കുറിച്ചുള്ള ഒരു അപ്ഡേറ്റ് നല്‍കി. ഹൈദരാബാദില്‍ ഇംഗ്ലണ്ടിനെതിരായ ആദ്യ ടെസ്റ്റിലാണ് താരത്തിന്റെ വലത് തുടയ്ക്ക് പരിക്കേറ്റത്. ഓപ്പണിംഗ് ടെസ്റ്റിന്റെ ആദ്യ ഇന്നിംഗ്സില്‍ 86 റണ്‍സ് താരം നേടിയിരുന്നു. എന്നാലും ആതിഥേയര്‍ 28 റണ്‍സിന് തോറ്റു. തുടര്‍ന്ന് രാഹുലും ജഡേജയും വിശാഖപട്ടണം കളിക്കില്ലെന്ന് ഉറപ്പായതോടെ ടീമിന് തിരിച്ചടിയായി. മൂന്നാം ടെസ്റ്റില്‍ ജഡേജ ടീമില്‍ തിരിച്ചെത്തിയെങ്കിലും രാഹുല്‍ ഫിറ്റായിരുന്നില്ല.
View this post on Instagram
അടുത്ത കാലത്തായി പരിക്കുകളോട് മല്ലിടുകയാണ് രാഹുല്‍. കഴിഞ്ഞ വര്‍ഷം ഐപിഎല്‍ സീസണില്‍ ആര്‍സിബിക്കെതിരായ മത്സരത്തിനിടെ താരത്തിന് ഹാംസ്ട്രിംഗിന് പരിക്കേറ്റിരുന്നു. തുടര്‍ന്ന് ശസ്ത്രക്രിയയ്ക്ക് വിധേയനായ അദ്ദേഹം 2023 ലെ ഏഷ്യാ കപ്പിലാണ് ടീമില്‍ തിരിച്ചെത്തിയത്.
Read more
മാര്‍ച്ച് 24 ന് ഐപിഎലിലെ തങ്ങളുടെ ആദ്യ മത്സരത്തില്‍ ലഖ്നൗ രാജസ്ഥാന്‍ റോയല്‍സിനെ നേരിടും.
