ഇന്ത്യൻ പ്രീമിയർ ലീഗിൽ ഇതുവരെയുള്ള സീസണുകൾ പലതും നോക്കിയാൽ മികച്ച പ്രകടനം നടത്താൻ ഇന്ത്യൻ ബോളർമാർ പലർക്കും സാധിച്ചിട്ടുണ്ട്. ജസ്പ്രീത് ബുംറ, രവിചന്ദ്രൻ അശ്വിൻ, ഭുവനേശ്വർ കുമാർ, മുഹമ്മദ് ഷമി, മോഹിത് ശർമ്മ തുടങ്ങിയ താരങ്ങൾ എല്ലാം ഈ കാലഘട്ടത്തിൽ അതാത് ടീമുകൾക്കായി മികച്ച പ്രകടനം നടത്തിയവരാണ്. അതേസമയം മത്സരത്തിന് മുമ്പ് ബാറ്റർമാർ ഒരു കാരണവശാലും സംസാരിക്കാൻ പാടില്ലാത്ത ഒരു ബോളറെ തിരഞ്ഞെടുത്തിരിക്കുകയാണ് ചെന്നൈയുടെ മുൻ താരം അമ്പാട്ടി റായിഡു.
രാജസ്ഥാൻ റോയൽസ് സ്പിന്നർ യുസ്‌വേന്ദ്ര ചാഹലിനെക്കുറിച്ചാണ് മുൻ സിഎസ്‌കെ, എംഐ താരം സംസാരിച്ചത്. ഇന്ത്യൻ പ്രീമിയർ ലീഗിൻ്റെ ചരിത്രത്തിൽ ഏറ്റവും കൂടുതൽ വിക്കറ്റ് വീഴ്ത്തിയ ബൗളറാണ് യൂസി, 149 മത്സരങ്ങളിൽ നിന്ന് 193 വിക്കറ്റുകൾ വീഴ്ത്തി.
ചാഹൽ ഏറ്റവും അപകടകാരിയായ ബൗളറാണെന്ന് റായിഡു പറഞ്ഞു. “നിങ്ങൾ ഒരു ബാറ്ററാണെങ്കിൽ, നിങ്ങൾ യുസ്‌വേന്ദ്ര ചാഹലിനോട് അധികം സംസാരിക്കരുത്, കാരണം നിങ്ങൾ അങ്ങനെ ചെയ്താൽ, അവൻ നിങ്ങളെ കളിയിൽ കുഴപ്പത്തിലാക്കും. അവൻ ഒരു ചെസ്സ് കളിക്കാരനാണ്, മത്സരത്തിന് മുമ്പ് ബാറ്റർമാരുടെ മനസ്സ് വായിക്കുകയും പിന്നീട് അവരുടെ തകർച്ച ആസൂത്രണം ചെയ്യുകയും ചെയ്യുന്നു, ”അമ്പാട്ടി റായിഡു സ്റ്റാർ സ്പോർട്സിൽ പറഞ്ഞു.
Read more
ഐപിഎൽ 2024 ലും മികച്ച പ്രകടനം തുടരുന്ന ചാഹൽ ഇതുവരെയുള്ള നാല് മത്സരങ്ങളിൽ നിന്നായി 8 വിക്കറ്റ് നേടി മുൻനിര വിക്കറ്റ് വേട്ടക്കാരുടെ ലിസ്റ്റിൽ മുന്നിൽ നിൽക്കുകയാണ്.
