സിനിമാ സീരിയല് താരം കനകലത അന്തരിച്ചു. അസുഖത്തെ തുടര്ന്ന് ചികിത്സയിലിരിക്കെ തിരുവനന്തപുരത്തെ വസതിയിലായിരുന്നു അന്ത്യം. കുറച്ച് നാളുകളായി മറവിരോഗവും പാര്ക്കിന്സണ്സും ബാധിച്ച് ചികിത്സയിലായിരുന്നു കനകലത. 350-ലധികം ചിത്രങ്ങളിലും അമ്പതിലധികം സീരിയലുകളിലും അഭിനയിച്ചിട്ടുണ്ട്. പൂക്കാലമെന്ന സിനിമയിലാണ് അവസാനം അഭിനയിച്ചത്.
ചില്ല്, കരിയിലക്കാറ്റുപോലെ, രാജാവിന്റെ മകന്, ജാഗ്രത, കിരീടം, എന്റെ സൂര്യപുത്രിക്ക്, കൗരവര്, അമ്മയാണെ സത്യം, ആദ്യത്തെ കണ്മണി, തച്ചോളി വര്ഗീസ് ചേകവര്,സ്ഫടികം, അനിയത്തിപ്രാവ്, ഹരികൃഷ്ണന്സ്, മാട്ടുപ്പെട്ടി മച്ചാന്, പ്രിയം, തുടങ്ങിയ സിനിമകളില് ശ്രദ്ധേയമായ വേഷം ചെയ്തിട്ടുണ്ട്.
Read more
കൊല്ലം ഓച്ചിറയില് പരമേശ്വരന് പിള്ളയുടേയും ചിന്നമ്മയുടേയും മകളായി 1960-ല് ഓഗസ്റ്റ് 24-ന് ജനനം. കൊല്ലം സര്ക്കാര് ഗേള്സ് ഹൈസ്കൂളില് പ്രാഥമിക വിദ്യാഭ്യാസം. 1980-ല് ഉണര്ത്തുപാട്ട് എന്ന സിനിമയില് അഭിനയിച്ചു.