ഐപിഎല്‍ 15ാം സീസണ് ദിവസങ്ങള്‍ മാത്രം ശേഷിക്കെ ലഖ്‌നൗ ടീം നായകന്‍ കെഎല്‍ രാഹുലിന് മുന്നറിപ്പുമായി ടീം മെന്റര്‍ ഗൗതം ഗംഭീര്‍. ഇന്ത്യന്‍ ക്യാപ്റ്റനാവുക എന്ന ലക്ഷ്യം വെച്ചുകൊണ്ട് രാഹുല്‍ ഐപിഎല്‍ കളിക്കരുതെന്ന് ഗംഭീര്‍ നിര്‍ദ്ദേശിച്ചു.
‘ദേശിയ ടീമിലെ ഇടത്തിന് വേണ്ടി ഐപിഎല്‍ കളിക്കരുത് എന്നാണ് എന്റെ വിശ്വാസം. സ്വയം പ്രകടിപ്പിച്ച് കളിക്കാനുള്ള പ്ലാറ്റ്ഫോമാണ് ഐപിഎല്‍. എന്നാല്‍ ഇന്ത്യന്‍ ക്യാപ്റ്റനാവാന്‍ ഐപിഎല്‍ സഹായിക്കും എന്ന് എനിക്ക് തോന്നുന്നില്ല.’
‘ബാറ്റ് ചെയ്യുന്ന ക്യാപ്റ്റനെയാണ് ലഖ്നൗവിന് വേണ്ടത്. അല്ലാതെ ക്യാപ്റ്റനായ ബാറ്ററെ അല്ല. അതിന്റെ വ്യത്യാസം രാഹുലിന് മനസിലാവും എന്ന് ഞാന്‍ കരുതുന്നു. വെല്ലുവിളികള്‍ ഏറ്റെടുക്കാന്‍ ക്യാപ്റ്റന്‍ പഠിച്ചിരിക്കണം. രാഹുലും വെല്ലുവിളികള്‍ ഏറ്റെടുക്കണം’ ഗംഭീര്‍ പറഞ്ഞു.
Read more
ദക്ഷിണാഫ്രിക്കന്‍ സൂപ്പര്‍ താരം ക്വിന്റണ്‍ ഡികോക്കായിരിക്കും ടീമിന്റെ വിക്കറ്റ് കാക്കുകയെന്നും അതിനാല്‍ രാഹുലിന് കുറച്ച് കൂടി ഫ്രീയായി കളിക്കാമെന്നും ഗംഭീര്‍ പറഞ്ഞു. 28 ന് ഗുജറാത്ത് ടൈറ്റന്‍സുമായാണ് ലഖ്‌നൗ സൂപ്പര്‍ ജയന്റ്‌സിന്റെ ആദ്യ മത്സരം.
