ഇംഗ്ലണ്ടിനെതിരായ നാലാം ടെസ്റ്റിനിടെ ക്രിസ് വോക്സിന്റെ പന്തിൽ ഇന്ത്യൻ ഓപ്പണർ യശസ്വി ജയ്സ്വാളിന്റെ ബാറ്റ് ഹാൻഡിൽ ഒടിഞ്ഞു. ലോർഡ്സിൽ ഇരട്ട പരാജയങ്ങൾക്ക് ശേഷം മത്സരത്തിലേക്ക് വന്ന ജയ്സ്വാൾ, തെറ്റുകൾ തിരുത്താനുള്ള ദൗത്യത്തിലായിരുന്നു. മോശം പന്തുകൾ ഏറ്റെടുത്തും നല്ല പന്തുകളെ ബഹുമാനിച്ചും, പുതിയ പന്ത് ഭീഷണി ഒഴിവാക്കിയും ആദ്യ മിനിറ്റുകളിൽ യുവതാരം ശരിയായ ബാലൻസ് നേടി.
മത്സരത്തിന്റെ ഒമ്പതാം ഓവറിൽ, അധിക ബൗൺസ് ഉള്ള ക്രിസ് വോക്സിന്റെ പന്ത് ജയ്സ്വാൾ പ്രതിരോധിച്ചു. എന്നാൽ പന്ത് പ്രതീക്ഷിച്ചതിലും ഉയരത്തിലെത്തി ജോയിന്റിന് സമീപം ബാറ്റിൽ തട്ടി. ഇതോടെ ഹാൻഡിൽ ഒടിഞ്ഞുതൂങ്ങി.
Bat be like “mujhe kyun toda?” 😭🏏#ENGvIND 👉 4th TEST, DAY 1 | LIVE NOW on JioHotstar 👉 https://t.co/0VxBWU8ocO pic.twitter.com/q80vIuwqIj
— Star Sports (@StarSportsIndia) July 23, 2025
ഇംഗ്ലണ്ട് തങ്ങളുടെ ആദ്യ ബ്രേക്ക്ത്രൂ തിരയൽ തുടരുന്നതിനിടെ, യുവതാരം പുതിയ ബാറ്റുമായി തന്റെ ഇന്നിംഗ്സ് പുനരാരംഭിച്ചു. അടുത്ത ഓവറിൽ വോക്സിനെ താരം ബൗണ്ടറിയിലേക്ക് പായിച്ചു. പക്ഷേ വലംകൈയ്യൻ പേസർ വിക്കറ്റിന് ചുറ്റും അദ്ദേഹത്തെ പരീക്ഷിച്ചുകൊണ്ടിരുന്നു.
Read more
മത്സരത്തിൽ ടോസ് നഷ്ടപ്പെട്ട് ബാറ്റിംഗിന് ഇറങ്ങിയ ഇന്ത്യ ഒടുവിൽ വിവരം ലഭിക്കുമ്പോൾ 69 റൺസെന്ന നിലയിലാണ്. യശസ്വി ജയ്സ്വാൾ 71 പന്തിൽ നിന്ന് 28* റൺസുമായും, കെഎൽ രാഹുൽ 77 പന്തിൽ നിന്ന് 39* റൺസുമായും ബാറ്റിംഗ് തുടരുകയാണ്.
