കഴിഞ്ഞ ദിവസം നടന്ന മുംബൈ ഇന്ത്യന്സ്- സണ്റൈസേഴ്സ് ഹൈദരബാദ് പോരാട്ടത്തില് മുംബൈ ഇന്ത്യന്സ് ആധികാരികമായി തന്നെ വിജയം സ്വന്തമാക്കി. തുടര്ച്ചയായ മൂന്നാം മത്സരത്തിലും ടീം വിജയം നേടിയതോടെ മുംബൈ ഇന്ത്യന്സ് ആരാധകര് അതിയായ സന്തോഷത്തിലാണ്. ഇപ്പോഴിതാ ടീമിന്റെ തുടര്ച്ചയായ ജയത്തിനൊപ്പം ഇന്ത്യന് മുന് താരം ഇര്ഫാന് പത്താന് രോഹിത് ശര്മ്മയെ കുറിച്ച് പറഞ്ഞ വാക്കുകളും ആരാധകര്ക്ക് ആവേശം പകര്ന്നിരിക്കുകയാണ്.
‘കളിക്കുമ്പോള് ഞാന് രോഹിത് ശര്മ്മയുടെ സഹതാരമായിരുന്നു. എന്നാല് ഇപ്പോള് ഞാന് അദ്ദേഹത്തിന്റെ ആരാധകനാണ്’ എന്നാണ് സ്റ്റാര് സ്പോര്ട്സ് ഷോയില് സംസാരിക്കവേ ഇര്ഫാന് പറഞ്ഞത്. ഇത് ഇപ്പോള് സോഷ്യല് മീഡിയയില് വൈറലായി പ്രചരിക്കുകയാണ്. തുടര്ച്ചയായ രണ്ട് പരാജയങ്ങളില് നിന്നും ഉണര്ന്ന് സൂപ്പര്താരങ്ങളില്ലാതെ തന്നെ ടീമിനെ വിജയപാതയിലേക്ക് തിരികെ എത്തിച്ചിരിക്കുകയാണ് രോഹിത്.
Irfan Pathan said," When I was playing with Rohit Sharma, I was his teammate but now I am his fan". (To Star Sports) pic.twitter.com/TwPRrjjmnK
— Vishal. (@SPORTYVISHAL) April 21, 2023
സീസണ് ആരംഭിക്കുന്നതിന് മുമ്പ് കിരീടം നേടാന് എല്ലാവരും സാദ്ധ്യത കൊടുത്തിരുന്ന മുംബൈക്ക് അപ്രതീക്ഷിതമായിട്ടാണ് ബുംറയെ നഷ്ടമാകുന്നത്. ആദ്യ കളിക്ക് ശേഷം അയാള്ക്ക് പകരമാകുമെന്ന് കരുതിയ ആര്ച്ചറും പരിക്കേറ്റ് പിന്വാങ്ങുന്നു. ഇതോടെ മറ്റ് ടീമുകളുമായി താരതമ്യപ്പെടുത്തുമ്പോള് പരിചയസമ്പത്ത് കുറവുള്ള ബോളിംഗ് നിരയായി മുംബൈ.
Read more
എന്നാല് തുടര്ച്ചയായ 2 തോല്വിക്ക് ശേഷം മുംബൈ ടീമില് എന്ത് അത്ഭുതമാണ് സംഭവിച്ചതെന്ന് അറിയില്ല. ടീം എന്ന നിലയില് അവര് കൂടുതല് ശക്തരായി. രോഹിത് എന്ന നായകന് തന്റെ ഏറ്റവും വലിയ മികവിലേക്ക് ഉയരുന്നതിനു നമ്മള് സാക്ഷിയായി. രോഹിതിന്റെ മുഖത്ത് കുറച്ചുനാളുകളായി മറഞ്ഞ് കിടന്ന് ചിരി ആരാധകര് വീണ്ടും കണ്നിറയെ ആസ്വദിക്കുകയാണ്.