ഐപിഎലില്‍ ഇന്ന് പഞ്ചാബ് കിങ്‌സ്-ഡല്‍ഹി ക്യാപിറ്റല്‍സ് പോരാട്ടമാണ്. പോയിന്റ് ടേബിളില്‍ ആദ്യ സ്ഥാനം ഉറപ്പിക്കാന്‍ പഞ്ചാബ് കിങ്‌സും ആശ്വാസ ജയം നേടി ഈ സീസണിനോട് വിടപറയാന്‍ ഡല്‍ഹിയും ഇറങ്ങുന്നു. 12 കളികളില്‍ എട്ട് ജയവും മൂന്ന് തോല്‍വിയും ഉള്‍പ്പെടെ 17 പോയിന്റാണ് പഞ്ചാബിനുളളത്. ഇനിയുളള രണ്ട് മത്സരങ്ങളും ജയിച്ചാല്‍ അവര്‍ക്ക് ഗുജറാത്തിനെ മറികടന്ന് പോയിന്റ് ടേബിളില്‍ മുന്നില്‍ എത്താനാവും.
രാജസ്ഥാന്റെ ഹോംഗ്രൗണ്ടായ ജയ്പൂരിലെ സവായി മാന്‍സിങ് സ്‌റ്റേഡിയത്തില്‍ വച്ചാണ് ഇന്നത്തെ മത്സരം.അക്‌സര്‍ പട്ടേലിന് പകരം ഫാഫ് ഡുപ്ലസിസാണ് ഇന്ന് ഡല്‍ഹി ക്യാപിറ്റല്‍സിനെ നയിക്കുന്നത്. ആരോഗ്യ പ്രശ്‌നങ്ങള്‍ കാരണമാണ് അക്‌സര്‍ ഇന്നത്തെ മത്സരത്തില്‍ കളിക്കാത്തത്. മുംബൈ ഇന്ത്യന്‍സിനെതിരായ മത്സരത്തിലും അക്‌സര്‍ കളിച്ചിരുന്നില്ല.
Read more
ഡല്‍ഹിയുടെ പ്ലേഓഫ് സാധ്യതകള്‍ നേരത്തെ തന്നെ അവസാനിച്ചിരുന്നു. ഇത്തവണ പ്ലേഓഫില്‍ എത്തുമെന്ന് പലരും പറഞ്ഞ ടീമുകളിലൊന്നായിരുന്നു ഡല്‍ഹി. എന്നാല്‍ നിര്‍ണായക മത്സരങ്ങളില്‍ തോല്‍വി വഴങ്ങിയത് അവര്‍ക്ക് തിരിച്ചടിയായി. കെഎല്‍ രാഹുല്‍ ഇന്ന് ഇംപാക്ട് പ്ലെയറായാണ് കളിക്കുക.
