ഒരു നല്ല ഡോക്ടർക്ക് എങ്ങനെ ഇങ്ങനെ പറയാൻ തോന്നി, ഞങ്ങൾ റോബോട്ടുകൾ ആണെന്ന തോന്നലാണ് അയാൾക്ക്; അശ്വിന്റെ യൂട്യൂബ് ചർച്ചയിൽ നടന്നത് നാടകീയ സംഭവങ്ങൾ; താരം കലിപ്പിൽ

തന്റെ സമീപകാല യൂട്യൂബ് വീഡിയോകളിലൊന്നിൽ ഡോക്ടറാണെന്ന് അവകാശപ്പെടുന്ന വ്യക്തിയിൽ നിന്ന് കളിക്കാരുടെ വർക്ക് ലോഡ് മാനേജ്മെന്റുമായി ബന്ധപ്പെട്ട് തനിക്ക് വിചിത്രമായ ഒരു അഭിപ്രായം ലഭിച്ചതായി വെറ്ററൻ ടീം ഇന്ത്യയുടെ ഓഫ് സ്പിന്നർ രവിചന്ദ്രൻ അശ്വിൻ വെളിപ്പെടുത്തി. ആ അഭിപ്രായത്തോട് തനിക്ക് യോജിക്കാൻ കഴിയില്ല എന്ന അഭിപ്രായമാണ് അശ്വിൻ പറയുന്നത്.

ബോർഡർ-ഗവാസ്‌കർ ട്രോഫിക്ക് തയ്യാറെടുക്കുന്ന അശ്വിൻ, തന്റെ YouTube ചാനലിൽ പ്രതിവാര ക്രിക്കറ്റ് റൗണ്ടപ്പ് ഷോ ഹോസ്റ്റുചെയ്യുന്നു. കഴിഞ്ഞ ആഴ്‌ച, ക്രിക്കറ്റിലെ ജോലിഭാരം ആയിരുന്നു പ്രധാനമായാ ചർച്ചാവിഷയങ്ങളിൽ ഒന്ന് എന്ന് നിസംശയം പറയാം.

അതേക്കുറിച്ചുള്ള തന്റെ കാഴ്ചപ്പാടുകൾ പങ്കിട്ട ശേഷം, അദ്ദേഹം ഉപയോക്താക്കളിൽ നിന്ന് അഭിപ്രായങ്ങൾ അഭ്യർത്ഥിച്ചു. തനിക്ക് ലഭിച്ച ഒരു മറുപടിയിൽ അശ്വിൻ ആകെ അസ്വസ്ഥനായിരുന്നു. തന്റെ ഏറ്റവും പുതിയ YouTube വീഡിയോയിൽ ഇതേ കുറിച്ചുള്ള വിശദാംശങ്ങൾ പങ്കുവെച്ചുകൊണ്ട് 36-കാരൻ പറഞ്ഞു:

“ഒരാൾ അഭിപ്രായപ്പെട്ടു, ‘എന്ത് ജോലിഭാരം, സുഹൃത്തേ? ഞങ്ങളുടെ കാലത്ത്, ചെരിപ്പിടാതെ ഞങ്ങൾ എവിടെയും എല്ലായിടത്തും നിർത്താതെ കളിച്ചു. അപ്പോൾ, കളിക്കാൻ നിങ്ങൾക്ക് എന്ത് ബുദ്ധിമുട്ടാണ്? പരാതി പറയുന്നത് നിർത്തൂ.’ ഇതായിരുന്നു അദ്ദേഹത്തിന്റെ അഭിപ്രായം, അയാൾ യഥാർത്ഥ ഡോക്ടർ ആയിരുന്നോ എന്ന കാര്യത്തിൽ എനിക്ക് സംശയമുണ്ട്.” ഇതായിരുന്നു അശ്വിൻറ് അഭിപ്രായം.

ഒരു ഡോക്‌ടർ എന്ന് വിളിക്കപ്പെടുന്നവരിൽ നിന്ന് വന്ന കമന്റ് വളരെ ആശ്ചര്യകരമാണെന്ന് പറഞ്ഞ അദ്ദേഹം, എലൈറ്റ് ലെവൽ ക്രിക്കറ്റിനെ ഫസ്റ്റ് ക്ലാസ് ക്രിക്കറ്റുമായി പോലും താരതമ്യം ചെയ്യാൻ കഴിയില്ലെന്ന് അഭിപ്രായപ്പെട്ടു. അശ്വിൻ വിശദീകരിച്ചു:

“തീവ്രതയുടെ അളവ് ഒരുപോലെ ആയിരിക്കില്ല. ആഴ്ചയിൽ അഞ്ച് ദിവസം ജോലി ചെയ്ത് വാരാന്ത്യത്തിൽ കളിക്കുന്നവർ ഏഴ് ദിവസവും കളിച്ചാൽ എത്ര നന്നായിരിക്കും എന്ന് ചിന്തിക്കും. എന്നിരുന്നാലും, കളിക്കുമ്പോൾ നിങ്ങളിൽ പലർക്കും കൈയ്ക്കും കാലിനും വേദന അനുഭവപ്പെട്ടിട്ടുണ്ടാകും. വേദനയെക്കുറിച്ച് ഞാൻ ഊന്നിപ്പറയുന്നില്ല. എല്ലാ കളിക്കാരനും വേദന ഉണ്ടാകും, പക്ഷേ അത് അവരുടെ പ്രൊഫഷനാണ്.”

ജോലിഭാരം നിയന്ത്രിക്കുന്നത് കഴിഞ്ഞ രണ്ട് വർഷങ്ങളായി അന്താരാഷ്ട്ര ക്രിക്കറ്റിൽ വലിയ ചർച്ചയ്ക്ക് വഴിവെച്ചിട്ടുണ്ട്. വിരാട് കോഹ്‌ലിയും ബെൻ സ്റ്റോക്‌സും ഉൾപ്പെടെ നിരവധി പ്രമുഖർ അടുത്തിടെ ചില മത്സരങ്ങളിൽ നിന്ന് വിശ്രമം എടുക്കുന്നതും നാം കണ്ടിട്ടുണ്ട്.”