പ്രണയദിനത്തില്‍ താന്‍ പങ്കുവെച്ച രീതിയിലെന്ന രീതിയില്‍ പ്രചരിക്കുന്ന സ്റ്റോറി സോഷ്യല്‍ മീഡിയയുടെ സൃഷ്ടിയാണെന്ന് ഇന്ത്യന്‍ യുവ താരം പൃഥ്വി ഷാ. അത്തരമൊരു പോസ്റ്റ് താന്‍ പങ്കുവെച്ചിട്ടില്ലെന്നും ആരോ എഡിറ്റ് ചെയ്ത് പ്രചരിപ്പിക്കുന്നതാണ് അതെന്നും താരം ഇന്‍സ്റ്റഗ്രാം സ്റ്റോറിയില്‍ പങ്കുവെച്ചു. ആയതിനാല്‍ ഇതിനെ ചുറ്റിപ്പറ്റിയുള്ള ചര്‍ച്ചകള്‍ അവസാനിപ്പിക്കണമെന്നും താരം അപേക്ഷിച്ചു.
പ്രണയദിനമായ ഇന്ന് അവിവാഹിതനായ പൃഥ്വി ഷാ കാമുകി നിധി രവി തപാഡിയക്കൊപ്പമുള്ള ചിത്രം സ്റ്റോറിയായി പങ്കുവെച്ച് എഴുതിയത് സന്തോഷകരമായ പ്രണയദിനം എന്റെ ഭാര്യക്ക് എന്നായിരുന്നു. നിമിഷങ്ങള്‍ക്കകം പൃഥ്വി ഇന്‍സ്റ്റഗ്രാം സ്റ്റോറി പിന്‍വലിച്ചുവെങ്കിലും അതിന് മുമ്പേ ആരാധകര്‍ അത് ഏറ്റെടുത്തിരുന്നു. എന്നാലിത് എഡിറ്റ് ചെയ്തതാണെന്നാണ് താരം അവകാശപ്പെടുന്നത്.
Read more
മഹാരാഷ്ട്രയിലെ നാസിക്കില്‍ നിന്നുള്ള മോഡലും നടിയുമായ 23 കാരിയായ നിധി രവി തപാഡിയയ്‌ക്കൊപ്പം പുതുവത്സരം ആഘോഷിക്കുന്ന ചിത്രങ്ങളും പൃഥ്വി ഷാ നേരത്തെ പങ്കുവെച്ചിരുന്നു. നിധി രവി തപാഡിയയ്‌ക്കൊപ്പമുള്ള ചിത്രം ഷാ ഇന്‍സ്റ്റാഗ്രാം സ്റ്റോറിയില്‍ പോസ്റ്റ് ചെയ്തിരുന്നു. ഷാ നിധിനൊപ്പം സോഷ്യല്‍ മീഡിയയില്‍ നിരവധി പോസ്റ്റുകള്‍ പോസ്റ്റ് ചെയ്തിട്ടുണ്ട്.
പൃഥ്വി ഷാ മുമ്പ് പ്രാചി സിംഗുമായി പ്രണയത്തിലായിരുന്നെങ്കിലും ഇരുവരും വേര്‍പിരിഞ്ഞിരുന്നു. നിലവില്‍ ഷായുടെ പുതിയ കാമുകി നിധിയാണ്. 23 കാരിയായ മോഡലിനൊപ്പം പുതുവര്‍ഷം ആഘോഷിച്ചതിലൂടെ ഷാ ബന്ധം ഔദ്യോഗികമാക്കുകയാണ് ചെയ്തതെന്ന് ആരാധകര്‍ കരുതുന്നു.
