റോയൽ ചലഞ്ചേഴ്‌സ് ബംഗളൂരു കൊൽക്കത്ത നൈറ്റ് റൈഡേഴ്‌സ് മത്സരത്തിനിടെ വിരാട് കോഹ്‌ലിയും ഗൗതം ഗംഭീറും പരസ്പരം കെട്ടിപ്പിടിച്ചതും തങ്ങൾക്ക് ഇടയിൽ പിണക്കം ഒന്നും ഇല്ലെന്ന് കാണിച്ചതുമടക്കമുള്ള ദൃശ്യങ്ങൾ സോകോൾ മീഡിയ ഏറ്റെടുത്തു. ഇതിഹാസതാരങ്ങളായ സുനിൽ ഗവാസ്‌കറിൻ്റെയും രവി ശാസ്ത്രിയുടെയും ഇതുമായി ബന്ധപ്പെട്ട പ്രതികരണങ്ങളും ചർച്ച ആയിരിക്കുകയാണ്.
കെകെആർ ചേസിനിടെ ഗംഭീർ കോലിയെ ആലിംഗനം ചെയ്യുന്നതിൻ്റെ ക്ലിപ്പ് പുറത്തുവന്നതോടെയാണ് ഇതിഹാസങ്ങൾ അതുമായി ബന്ധപ്പെട്ട അഭിപ്രായങ്ങൾ പറഞ്ഞത്. ഇരുവരും സംസാരിക്കുന്നതിനിടെ കമന്ററി ബോക്സിൽ ഇരുന്ന ശാസ്ത്രി ഇരുവർക്കും ഇത്തവണത്തെ ഫെയർപ്ലേ അവാർഡ് നൽകണം എന്നുള്ള അഭിപ്രായമാണ് പറഞ്ഞത്.
“ഫെയർപ്ലേ അവാർഡ് മാത്രമല്ല, അവർക്ക് ഓസ്‌കാറും നൽകണം” എന്ന് ഗവാസ്‌കർ പറഞ്ഞതോടെ ശാസ്ത്രിയും അതോടെ യോജിക്കുക ആയിരുന്നു. കോഹ്‌ലിയും ഗംഭീറും മുമ്പ് മൈതാനത്ത് ചൂടേറിയ കൈമാറ്റങ്ങൾ നടത്തിയിരുന്നുവെങ്കിലും വെള്ളിയാഴ്ച ബെംഗളൂരുവിലെ എം ചിന്നസ്വാമി സ്റ്റേഡിയത്തിൽ നടന്ന ഐപിഎൽ 2024 മത്സരത്തിനിടെ ഇരുവരും കൈ കൊടുക്കുമ്പോൾ ഇത്രയും ഉള്ളു പിണക്കം എന്നാണ് ആരാധകർ പറയുന്നത്,
Read more
അതേസമയം ഐപിഎൽ 17ാം സീസണിൽ രണ്ടാം തോൽവി വഴങ്ങി ആർസിബി നിൽക്കുമ്പോൾ ടീമിന് എതിരെ ആരാധകർ വമ്പൻ വിമർശനമാണ് നടത്തുന്നത്. സ്വന്തം തട്ടകത്തിൽ നടന്ന മത്സരത്തിൽ കെകെആറിനോട് ഏഴ് വിക്കറ്റിന്റെ തോൽവിയാണ് ആർസിബി വഴങ്ങിയത്. മത്സരത്തിൽ ആർസിബി മുന്നോട്ടുവെച്ച 183 റൺസ് വിജയലക്ഷ്യം 16.4 ഓവറിൽ മൂന്ന് വിക്കറ്റ് മാത്രം നഷ്ടത്തിൽ കെകെആർ മറികടന്നു.
