ഇന്ത്യൻ പ്രീമിയർ ലീഗിന് മുമ്പ് ഓസ്‌ട്രേലിയക്കാർ ഒരിക്കലും ഇന്ത്യക്ക് പ്രാധാന്യം നൽകിയിട്ടില്ലെന്നും ഇന്ത്യൻ പ്രീമിയർ ലീഗിന് മുമ്പ് അവർ ഞങ്ങളെക്കാൾ മികച്ചവരാണെന്ന് കരുതിയിരുന്നെന്നും മുൻ ഇന്ത്യൻ താരം മുഹമ്മദ് കൈഫ് പറഞ്ഞു. എന്നിരുന്നാലും, ടൂർണമെൻ്റ് ആരംഭിച്ചപ്പോൾ, പണം സമ്പാദിക്കാൻ ലീഗിൻ്റെ ഭാഗമാകാൻ അവർ ഇന്ത്യൻ കളിക്കാരെക്കുറിച്ചും രാജ്യത്തെക്കുറിച്ചും നല്ല കാര്യങ്ങൾ എഴുതാൻ തുടങ്ങി എന്നും കൈഫ് പറഞ്ഞിരിക്കുകയാണ്.
കൈഫ് പറഞ്ഞത് ഇങ്ങനെ:
“ഇരു രാജ്യങ്ങളിലെയും കളിക്കാർ ഒരിക്കലും നല്ല ബന്ധത്തിലായിരുന്നില്ല, ഹർഭജൻ സിങ്ങിനെ കുരങ്ങൻ എന്ന് വിളിച്ചെന്ന് ആൻഡ്രൂ സൈമണ്ട്‌സ് ആരോപിച്ചതോടെ ബന്ധം കൂടുതൽ വഷളായി. ഞങ്ങളുടെ സ്പിന്നറെ വിലക്കി. ഉപഭൂഖണ്ഡ ടീം പര്യടനം പാതിവഴിയിൽ ഉപേക്ഷിക്കുമെന്ന് ഭീഷണിപ്പെടുത്തി. ഒരു അടിയന്തര വാദം കേൾക്കുകയും എല്ലാ കുറ്റങ്ങളിൽ നിന്നും ഭാജിയെ മോചിപ്പിക്കുകയും ചെയ്തു.”
അദ്ദേഹം തുടർന്നു:
“നിലവിലെ സാഹചര്യത്തിൽ, റിക്കി പോണ്ടിംഗ് ഡൽഹി ക്യാപിറ്റൽസിനെ പരിശീലിപ്പിക്കുന്നു, ഇന്ത്യയെയും കളിക്കാരെയും കുറിച്ച് നല്ല കാര്യങ്ങൾ മാത്രമേ പറയാനുള്ളൂ. ഇന്ത്യൻ ക്രിക്കറ്റ് താരങ്ങളോടും രാജ്യത്തോടുമുള്ള സ്നേഹത്തെക്കുറിച്ച് ഡേവിഡ് വാർണർ പോസ്റ്റ് ചെയ്യുന്നത് തുടരുന്നു.”
Read more
“ഐപിഎല്ലിന് മുമ്പ് ഓസ്‌ട്രേലിയൻ കളിക്കാർ ഞങ്ങളോട് ശരിയായി സംസാരിച്ചിട്ടില്ല, പക്ഷേ 2008 ൽ കാര്യങ്ങൾ മാറി. സോഷ്യൽ മീഡിയയിൽ അവർ ഇന്ത്യൻ കളിക്കാരെ പുകഴ്ത്തുന്നത് നിങ്ങൾ ഇപ്പോൾ കാണുന്നു. ഇന്ത്യൻ പ്രീമിയർ ലീഗിൽ കളിക്കാനും പരിശീലകരായി ജോലി നേടാനും വിരാട് കോഹ്‌ലി, എംഎസ് ധോണി, രോഹിത് ശർമ്മ എന്നിവരെ കുറിച്ച് അവർ നല്ല കാര്യങ്ങൾ പറയുന്നു. പണത്തിൻ്റെ ശക്തി ഓസീസ് താരങ്ങളുടെ പെരുമാറ്റത്തിൽ കാണാൻ സാധിക്കും ”മുഹമ്മദ് കൈഫ് പറഞ്ഞു.
