ഐപിഎൽ 2024 സീസണിലേക്ക് തങ്ങൾ നിലനിർത്തുന്നവരുടെ പുറത്ത് വിടുന്നവരുടെ ലിസ്റ്റ് സമർപ്പിക്കാനുള്ള ദിനം അവസാനിക്കുന്നതിന് മണിക്കൂറുകൾക്ക് മുമ്പ്, രാജസ്ഥാൻ റോയൽസ് സ്റ്റാർ ഇംഗ്ലണ്ട് ബാറ്റർ ജോ റൂട്ട് ടീമിന്റെ ഭാഗമാകില്ലെന്ന് സ്ഥിരീകരിച്ചു. ഇംഗ്ലീഷ് ബാറ്റർ ഐപിഎൽ 2024 സീസണിൽ നിന്ന് ഒഴിവായതായി രാജസ്ഥാൻ റോയൽസ് ടീം സ്ഥിതീകരിച്ചു.
റോയൽസിന്റെ ക്രിക്കറ്റ് ഡയറക്ടർ കുമാർ സംഗക്കാര വിഷയവുമായി ബന്ധപ്പെട്ട് സംസാരിച്ചത് ഇങ്ങനെ , “ഞങ്ങളുടെ നിലനിർത്തൽ സംഭാഷണത്തിനിടെ, ഐപിഎൽ 2024 ൽ പങ്കെടുക്കേണ്ടതില്ലെന്ന തന്റെ തീരുമാനത്തെക്കുറിച്ച് ജോ ഞങ്ങളെ അറിയിച്ചു. ചുരുങ്ങിയ സമയത്തിനുള്ളിൽ പോലും, ജോയ്ക്ക് ഇത്രയും നല്ല സ്വാധീനം ചെലുത്താൻ കഴിഞ്ഞു. ഫ്രാഞ്ചൈസിയും കളിക്കാരും അവന്റെ സാനിധ്യത്തിൽ ഒരുപാട് സന്തോഷിച്ചിരുന്നു. ഞങ്ങൾ അദ്ദേഹത്തിന്റെ തീരുമാനത്തെ പൂർണ്ണമായും മാനിക്കുകയും അവന്റെ ഭാവി ക്രിക്കറ്റ് കരിയർ വിജയിക്കട്ടെ എന്നത് ആശംസിക്കുകയും ചെയ്യുന്നു.”
ഐപിഎൽ 2023 ലെ അരങ്ങേറ്റ സീസണിന് ശേഷം, ജോ റൂട്ട് റോയൽസിൽ തുടരില്ല. 2023 ലെ ഐപിഎൽ കരിയറിൽ റൂട്ടിന് 3 മത്സരങ്ങൾ മാത്രമേ കളിച്ചിട്ടുള്ളൂ, അവിടെ അദ്ദേഹത്തിന് 10 റൺസ് മാത്രമാണ് നേടാനായത്. ഐപിഎൽ 2024 നഷ്‌ടമാകുന്ന ആദ്യത്തെ ഇംഗ്ലീഷ് ക്രിക്കറ്റ് കളിക്കാരനല്ല ജോ റൂട്ട്. കുറച്ച് ദിവസങ്ങൾക്ക് മുമ്പ്, സ്റ്റാർ ഇംഗ്ലീഷ് ഓൾറൗണ്ടർ ബെൻ സ്റ്റോക്‌സും തന്റെ ജോലിഭാരവും ഫിറ്റ്‌നസും നിയന്ത്രിക്കാൻ ഐപിഎൽ 2024-ന്റെ ഭാഗമാകില്ലെന്ന് പ്രഖ്യാപിച്ചിരുന്നു.
Read more
കഴിഞ്ഞ സീസണിൽ 16.25 കോടി രൂപയ്ക്ക് ചെന്നൈ സൂപ്പർ കിംഗ്‌സ് സ്വന്തമാക്കിയ ഉടൻ സ്റ്റോക്‌സിന്റെ കാൽമുട്ടിന് ശസ്ത്രക്രിയ വേണ്ടിവരും, അതിൽ നിന്ന് കരകയറാൻ അദ്ദേഹത്തിന് ധാരാളം വേണ്ടിവരും. തൽഫലമായി, അദ്ദേഹത്തെ ചെന്നൈ ഒഴിവാക്കും.
