ഇസ്രയേലിന്റെ ആക്രമണത്തിന് പിന്നാലെ തിരിച്ചടിച്ച് ഇറാൻ. ഇസ്രയേൽ ലക്ഷ്യമിട്ട് നിരവധി മിസൈലുകളാണ് ഇറാൻ തൊടുത്തത്. ഇസ്രയേലിന്റെ വടക്കൻ പ്രദേശങ്ങൾ ലക്ഷ്യമാക്കി ഇറാൻ കൂട്ടത്തോടെ തൊടുത്ത അനവധി മിസൈലുകൾ തങ്ങൾ വിജയകരമായി തകർത്തതായി ഇസ്രായേൽ സൈന്യം അവകാശപ്പെട്ടു.
ഏത് തരത്തിലുള്ള വ്യോമാക്രമണങ്ങളെയും ചെറുക്കാൻ ഇസ്രയേൽ സേന സജ്ജമാണെന്നും ഇറാന് കനത്ത തിരിച്ചടി നൽകാൻ സൈന്യത്തിന് നിർദേശം നൽകിയിട്ടുണ്ടെന്നും ഇസ്രായേൽ വ്യക്തമാക്കി. എന്നാൽ ഇസ്രായേലിന്റെ ഭാഗത്തുനിന്ന് പ്രത്യാക്രമണം ഉണ്ടായാൽ ആക്രമണം കൂടുതൽ ശക്തമായി തുടരുമെന്ന് ഇറാനും മുന്നറിയിപ്പ് നൽകിയിട്ടുണ്ട്.
അതേസമയം നേരത്തെ ഇറാന് ആക്രമണത്തിന് തിരിച്ചടിയെന്നോണം ടെഹ്റാന് ഉള്പ്പെടെ മൂന്ന് ഇറാനിയന് നഗരങ്ങളില് ഇസ്രയേല് സ്ഫോടനം നടത്തിയിരുന്നു. ഇസ്രയേല് മിസൈലാക്രമണം നടത്തിയെന്നാണ് റിപ്പോര്ട്ടുകള്. തെഹ്റാന്, തബ്രിസ്, ഇസ്ഫഹാന് എന്നിവിടങ്ങളിലാണ് സ്ഫോടനങ്ങളുണ്ടായത്. ഇറാന്റെ ബാലിസ്റ്റിക് മിസൈല് ആക്രമണത്തിന് തിരിച്ചടി നല്കുമെന്ന് ഇസ്രയേല് വ്യക്തമാക്കിയിരുന്നു.
Read more
ലെബനാനിലെ ഇസ്രായേല് കടന്നുകയറ്റത്തിന് മറുപടിയായി കഴിഞ്ഞ ദിവസം രാത്രി ഇറാന് നടത്തിയ മിസൈലാക്രമണത്തിന് പിന്നാലെയാണ് ഇസ്രായേല് പ്രത്യാക്രമണം ആരംഭിച്ചത്. തെക്കന് ബെയ്റൂത്തിലേക്ക് ഇസ്രയേല് നടത്തുന്ന ആക്രമണങ്ങള്ക്കും അമേരിക്കന് നാവിക ഉപരോധത്തിനും കനത്ത തിരിച്ചടി നല്കുമെന്ന് ഇറാന് പാര്ലമെന്റ് സ്പീക്കര് മുഹമ്മദ് ബഗേര് ഗാലിബഫും പ്രതികരിച്ചിരുന്നു. ഇസ്രയേലിലെ റാമത് ഡേവിഡ് വ്യോമതാവളത്തിനു നേരെയും ഇറാന്റെ ആക്രമണമുണ്ടായി.
