ഇറാനുമായുള്ള കരാറിന് സാധ്യതയുണ്ടെന്നും ഹോർമുസ് കടലിടുക്ക് സൗജന്യമായി തുറന്നുനൽകാൻ ഇറാൻ ഒരുക്കമാണെന്നുമുള്ള യുഎസ് പ്രസിഡന്റ് ഡൊണാൾഡ് ട്രംപിന്റെ പ്രസ്താവന നിഷേധിച്ച് ഇറാൻ. ഇറാന്റെ പരിഗണനയിലുള്ളതും യുഎസ് അവതരിപ്പിച്ചതുമായ കരട് കരാർ നിബന്ധനകൾ പ്രതിഫലിക്കാത്തതും നേരിൻ്റെയും നുണയുടെയും മിശ്രിതമാണെന്നും ട്രംപിന്റെ പ്രസ്താവനകളെ നിഷേധിച്ചുകൊണ്ട് ഇറാനിയൻ മാധ്യമങ്ങൾ റിപ്പോർട്ട് ചെയ്തു.
ട്രംപിൻ്റെ അഭിപ്രായങ്ങൾ കെട്ടിച്ചമച്ച വിജയത്തെ ചിത്രീകരിക്കാനുള്ള ശ്രമമാണെന്ന് ഇസ്ലാമിക് റെവല്യൂഷണറി ഗാർഡ് കോറുമായി ബന്ധമുള്ള ഫാർസ് ന്യൂസ് ഏജൻസി ഉന്നത ഇറാൻ ഉദ്യോഗസ്ഥരെ ഉദ്ധരിച്ച് പറഞ്ഞു. കരട് കരാറിൽ ഇതുവരെ അന്തിമതീരുമാനമെടുത്തിട്ടില്ലെന്നും റിപ്പോർട്ട് പറയുന്നു.
Read more
ഇറാൻ്റെ ആണവശേഷി നശിപ്പിക്കുമെന്ന ട്രംപിൻ്റെ വാദത്തെയും ഫാർസ് നിഷേധിച്ചു. വിശ്വസനീയമായ സ്രോതസ്സുകൾ ഈ വാദം അടിസ്ഥാനരഹിതമാണെന്നും ചർച്ചയിലുള്ള മെമ്മോറാണ്ടത്തിൽ അത്തരം വ്യവസ്ഥകളൊന്നുമില്ലെന്നും മാധ്യമങ്ങൾ റിപ്പോർട്ട് ചെയ്തു.
