കാലങ്ങള്‍ പഴക്കമുള്ളതാണെങ്കിലും സാഹസിക വീഡിയോകള്‍ സമൂഹമാധ്യമങ്ങളില്‍ വീണ്ടും വൈറലാകാറുണ്ട്. അത്തരത്തില്‍ വൈറലായ വീഡിയോയാണ് @TheFigen_ എന്ന ട്വിറ്റര്‍ അക്കൗണ്ടില്‍ നിന്നും പങ്കുവെച്ച പെരുമ്പാമ്പിനൊപ്പം കളിക്കുന്ന കുട്ടിയുടെത്. ‘ഉത്തരവാദിത്തമില്ലാത്ത മാതാപിതാക്കള്‍’ എന്ന കുറിപ്പോടെയാണ് വീഡിയോ പങ്കുവെച്ചിരിക്കുന്നത്. ഇതിനോടകം 89,000 പേരാണ് വീഡിയോ കണ്ടത് .
ചില കാര്യങ്ങളോട് നമുക്ക് കുട്ടിക്കാലം മുതല്‍ ഭയം തോന്നറുണ്ട്. അവയില്‍ ചിലത് മുതിര്‍ന്നപ്പോഴും വിട്ടുമാറാതെ വേട്ടയാടാറുമുണ്ട്. അത്തരത്തില്‍ നമ്മളില്‍ പലർക്കും പേടിയാണ് പാമ്പിനെ.
എന്നാല്‍ ഭീമാകാരനായ പെരുമ്പാമ്പിനൊപ്പം ഒരു കൊച്ചുകുട്ടി കളിക്കുന്നതാണ് ഇപ്പോൾ തരംഗമാകുന്നത്. ഭയമൊട്ടും ഇല്ലാതെയാണ് കുട്ടി പാമ്പിനൊപ്പം കളിക്കുന്നത്. കൂറ്റന്‍ പാമ്പിന്റെ തലപൊക്കാന്‍ ശ്രമിക്കുന്നതായി വീഡിയോയില്‍ കാണാം. എന്നാല്‍ പലതവണ പാമ്പിന്റെ തല ഉയര്‍ത്തി കൈയ്യിലെടുക്കുകയും അത് താഴെക്ക് പോവുകയും വീണ്ടും എടുക്കാന്‍ ശ്രമിക്കുകയും ചെയ്യുന്നുണ്ട്. ഒട്ടും ആശങ്ക ഇല്ലാതെ വളരെ ആസ്വദിച്ചാണ് കുട്ടി ഇതൊക്കെ ചെയ്യുന്നത്. വീഡിയോ എടുക്കുന്നയാള്‍ ഇതെല്ലാം കണ്ട് ചിരിക്കുന്നതും കേള്‍ക്കാം.
അതേസമയം 2018ല്‍ ഈ വീഡിയോ യുടൂബില്‍ പങ്കുവെച്ചിരുന്നാലും ഇത് പിന്‍വലിച്ചിരുന്നു. കഴിഞ്ഞ ദിവസം വീണ്ടും ട്വിറ്ററില്‍ വീഡിയോ പങ്കുവെയ്ക്കപ്പെട്ടപ്പോള്‍ ആളുകള്‍ ഏറ്റെടുത്തു.
Irresponsible parents. pic.twitter.com/LDJWbYvIS2
— Figen (@TheFigen_) May 16, 2023
Read more
