സ്വത്ത് സമ്പാദന കേസ് സംബന്ധിച്ച് വ്യവസായിയും കോൺഗ്രസ് അദ്ധ്യക്ഷ സോണിയ ഗാന്ധിയുടെ മരുമകനുമായ റോബർട്ട് വാദ്രയുടെ ഓഫീസിൽ ആദായനികുതി ഉദ്യോഗസ്ഥർ എത്തി.
കിഴക്കൻ ഡൽഹിയിലെ സുഖ്ദേവ് വിഹാറിലെ വാദ്രയുടെ ഓഫീസിലെത്തിയ സംഘം വാദ്രയുടെ മൊഴി രേഖപ്പെടുത്തുന്നതായാണ് റിപ്പോർട്ടുകൾ.
ലണ്ടനിൽ 12 മില്യൺ പൗണ്ട് സ്വത്ത് സമ്പാദിച്ചു എന്ന കേസിൽ ഇതിനകം തന്നെ റോബർട്ട് വാദ്രക്കെതിരെ അന്വേഷണം നടക്കുന്നുണ്ട്. കേസിൽ ഇദ്ദേഹത്തെ എൻഫോഴ്സ്മെന്റ് ഡയറക്ടറേറ്റ് നിരവധി തവണ ചോദ്യം ചെയ്തിട്ടുണ്ട്.
രാഷ്ട്രീയ വൈരാഗ്യമാണ് കേസുകൾക്ക് പിന്നിലെന്നാണ് റോബർട്ട് വാദ്ര പറയുന്നത്.