ബോളിവുഡിലെ ഇതിഹാസ താരം ദിലീപ് കുമാർ അന്തരിച്ചു. 98 വയസ്സായിരുന്നു. മുംബൈയിലെ ഹിന്ദുജ ആശുപത്രിയിൽ വച്ചായിരുന്നു അന്ത്യം. ശ്വാസതടസ്സം ഉണ്ടായതിനെ തുടർന്ന് കഴിഞ്ഞ ആഴ്ച ദിലീപ് കുമാറിനെ ആശുപത്രിയിൽ പ്രവേശിപ്പിച്ചിരുന്നു- ഈ മാസം ഇത് രണ്ടാം തവണയാണ് അദ്ദേഹത്തെ ആശുപത്രിയിൽ പ്രവേശിപ്പിക്കുന്നത്.
With a heavy heart and profound grief, I announce the passing away of our beloved Dilip Saab, few minutes ago.
We are from God and to Him we return. – Faisal Farooqui
— Dilip Kumar (@TheDilipKumar) July 7, 2021
ബുധനാഴ്ച രാവിലെ 7.30 നാണ് ദീർഘനാളായി തുടരുന്ന അസുഖത്തെ തുടർന്ന് അദ്ദേഹം അന്തരിച്ചത് എന്ന് ദിലീപ് കുമാറിനെ ചികിത്സിച്ചു കൊണ്ടിരുന്ന ഡോ. ജലീൽ പാർക്കർ പറഞ്ഞതായി വാർത്താ ഏജൻസി പിടിഐ റിപ്പോർട്ട് ചെയ്തു.
Read more
1944 ൽ “ജ്വാർ ഭട്ട” എന്ന ചിത്രത്തിലൂടെയാണ് ദിലീപ് കുമാർ അഭിനയരംഗത്തേക്ക് പ്രവേശിച്ചത്. “മുഗൾ-ഇ-അസം”, “ദേവദാസ്”, “നയാ ദൗർ”, “രാം ഔർ ശ്യാം” തുടങ്ങിയ ഹിറ്റുകളിലൂടെ ദിലീപ് കുമാറിന്റെ അഭിനയ ജീവിതം അഞ്ച് പതിറ്റാണ്ടിലേറെ നീണ്ടു. അദ്ദേഹം അവസാനമായി അഭിനയിച്ചത് 1998 ൽ പുറത്തിറങ്ങിയ “ക്വില” എന്ന ചിത്രത്തിലായിരുന്നു.
