എയര് ഇന്ത്യ പൈലറ്റിന്റെ കൈവശം കഞ്ചാവ് കണ്ടെത്തിയതിനെത്തുടര്ന്ന് യുഎസ് അധികൃതര് ഇന്ത്യയിലേക്ക് തിരിച്ചയച്ചു. ഡല്ഹിയില് നിന്ന് സാന്ഫ്രാന്സിസ്കോയിലേക്ക് യാത്ര ചെയ്ത പൈലറ്റിന്റെ കൈവശമാണ് കഞ്ചാവ് കണ്ടെത്തിയത്. ഏപ്രില് 14ന് ഡല്ഹിയില് നിന്ന് സാന്ഫ്രാന്സിസ്കോയിലേക്കുള്ള വിമാനത്തില് യാത്രക്കാരനായി സഞ്ചരിക്കുകയായിരുന്നു കഞ്ചാവ് കൈവശം വെച്ച പൈലറ്റ്.
സാന്ഫ്രാസിസ്കോയില് എത്തിയ ശേഷം മറ്റൊരു വിമാനം നിയന്ത്രിക്കേണ്ട ചുമതല പൈലറ്റിനുണ്ടായിരുന്നു. സാന്ഫ്രാന്സിസ്കോയില് എത്തിയപ്പോള് പ്രാദേശിക നിയമങ്ങള് ലംഘിച്ചെന്നു കണ്ടെത്തിയതിനെത്തുടര്ന്ന് യുഎസ് അധികൃതര് ഇയാളെ തിരിച്ചയച്ചു.
പൈലറ്റിന്റെ കൈവശം കഞ്ചാവ് ഉണ്ടായിരുന്നുവെന്നാണു സൂചനയെന്ന് പിടിഐ റിപ്പോര്ട്ട് ചെയ്തു. സംഭവത്തില് എയര് ഇന്ത്യ ആഭ്യന്തര അന്വേഷണം പ്രഖ്യാപിച്ചിട്ടുണ്ട്.
പൈലറ്റിനെ ജോലിയില് നിന്ന് മാറ്റിനിര്ത്തിയതായും അന്വേഷണം ആരംഭിച്ചതായും എയര് ഇന്ത്യ അറിയിച്ചു.
Read more
”നിയമങ്ങള് ലംഘിക്കുന്ന നടപടികളോട് എയര് ഇന്ത്യ സഹിഷ്ണുത കാണിക്കില്ല. സുരക്ഷ, അച്ചടക്കം, തൊഴില്പരമായ പെരുമാറ്റം എന്നിവയില് വിട്ടുവീഴ്ചയില്ല. കമ്പനിയുടെ നയങ്ങള്ക്കനുസരിച്ച് കര്ശനമായ അച്ചടക്ക നടപടികള് ഇദ്ദേഹത്തിനെതിരെ സ്വീകരിക്കും” എയര് ഇന്ത്യ വക്താവ് പ്രസ്താവനയില് പറഞ്ഞു.
