മാധ്യമങ്ങള്‍ക്കെതിരെ രൂക്ഷ വിമര്‍ശനവുമായി മുന്‍ ഡി.ജി.പിയും ബി.ജെ.പി നേതാവുമായ ടി.പി സെന്‍കുമാര്‍. പീരുമേട് കസ്റ്റഡി മരണത്തില്‍ പ്രതികരിക്കുകയായിരുന്നു അദ്ദേഹം. പാര്‍ട്ടികളെ പ്രീണിപ്പിച്ചു പോസ്റ്റിംഗ് വാങ്ങുന്ന പല ഉദ്യോഗസ്ഥരും, പ്രത്യേകിച്ചു പൊലീസ് ഉദ്യോഗസ്ഥര്‍ ആണ് പല പാര്‍ട്ടി ഓഫീസുകളുടെയും മുഴുവന്‍ ചെലവും നല്‍കുന്നതെന്ന് സെന്‍കുമാര്‍ ഫെയ്‌സ്ബുക്കില്‍ കുറിച്ചു.
പാര്‍ട്ടിക്കാര്‍ക്ക് പ്രിയപ്പെട്ട ഐ.പി.എസുകാരെ മുകളില്‍ വെയ്ക്കുന്നു. ഈ ദൂഷിതവലയമാണു രാഷ്ട്രീയ സംരക്ഷണത്തില്‍ എല്ലാ തെറ്റുകളും ചെയ്യുന്നത്. യാതൊരു തെളിവുമില്ലാതെ കള്ളക്കേസുകളെടുക്കാന്‍ വാക്കാല്‍ നിര്‍ദ്ദേശം നല്‍കുന്ന ഐ.പി.എസുകാരാണ് ശരിയായ കുറ്റക്കാരെന്നും സെന്‍കുമാര്‍ പറഞ്ഞു.
Read more
കുറച്ചു നാള്‍ മുമ്പുവരെ ഇതായിരുന്നില്ലല്ലോ അവസ്ഥയെന്നും മാധ്യമങ്ങള്‍ ഇപ്പോള്‍ പൊലീസ് മേധാവിയില്‍ കുറ്റം കാണുന്നില്ലേയെന്നും സെന്‍കുമാര്‍ ചോദിച്ചു.
