തിരഞ്ഞെടുപ്പ് കഴിയുമ്പോള്‍ അത്ഭുതപ്പെടുത്തുന്ന ഫലം ഇത്തവണ ഉണ്ടാകുമെന്ന് തിരുവനന്തപുരത്തെ യുഡിഎഫ് സ്ഥാനാറത്ഥി ശശി തരൂര്‍. 2004 ല്‍ യുപിഎ വിജയിച്ചതിനു സമാനമായ അദ്ഭുതപ്പെടുത്തുന്ന ഫലം ഇത്തവണത്തെ ലോക്‌സഭാ തെരഞ്ഞെടുപ്പിലുണ്ടാകുമെന്ന് ശശി തരൂര്‍ പറഞ്ഞു.
2004 ല്‍ വാജ്‌പേയിയുടെ നേതൃത്വത്തിലുള്ള എന്‍ഡിഎയ്ക്ക് ഇന്ത്യ തിളങ്ങുന്നുവെന്ന ക്യാമ്പയിനുമായി തുടര്‍ഭരണം ഉറപ്പിച്ചതാണ്. എന്നാല്‍ എല്ലാവരെയും ഞെട്ടിച്ചു കൊണ്ട് യുപിഎ അധികാരത്തിലെത്തി. ബിജെപി ക്യാമ്പില്‍ ഇപ്പോള്‍ പരിഭ്രമം പ്രകടമാണ്. മുമ്പ് പുറത്താക്കിയവരുടെ പിന്നാലെ നടന്ന് കെഞ്ചി ഇപ്പോള്‍ കൂടെക്കൂട്ടുകയാണ്. അവര്‍ക്ക് കേവല ഭൂരിപക്ഷത്തിനു വേണ്ട 272 സീറ്റ് ലഭിക്കില്ല.
Read more
ഇന്നു വരെ വാക്കുപാലിക്കാത്ത ഒരു സര്‍ക്കാര്‍ ഇനി നല്‍കുന്ന വാഗ്ദാനങ്ങള്‍ക്ക് എന്തു വിശ്വസനീയതയാണുള്ളത്. വര്‍ഷം രണ്ടു കോടി തൊഴില്‍ വാഗ്ദാനം ചെയ്തു. രാജ്യത്ത് തൊഴിലില്ലായ്മ കൂടുകയാണു ചെയ്തതെന്ന് അദേഹം പറഞ്ഞു.
ബിജെപി ഒരു തെരഞ്ഞെടുപ്പില്‍ കൂടി ജയിച്ചാല്‍ രാജ്യം തകരുമെന്നും അദേഹം പറഞ്ഞു.
