തന്നെ വിമര്ശിച്ച കെപിസിസി പ്രസിഡന്റ് മുല്ലപ്പള്ളി രാമചന്ദ്രന് വി ടി ബല്റാം എംഎല്എയുടെ മറുപടി. സോഷ്യല്മീഡിയയില് പ്രതികരണം നടത്തുന്നവരെ നാട്ടില് രാഷ്ട്രീയപ്രവര്ത്തനത്തിന് കിട്ടുന്നില്ലെന്ന കെപിസിസി അധ്യക്ഷന്റെ പ്രസ്താവനയ്ക്കാണ് പരിപാടികളുടെ ലിസ്റ്റ് സഹിതമുള്ള മറുപടിയുമായി വി ടി ബല്റാം എത്തിയിരിക്കുന്നത്.
സോഷ്യല് മീഡിയയില് നിയന്ത്രണം പാലിക്കാന് ബല്റാം തയാറാകണമെന്നും അദ്ദേഹത്തോട് ഇക്കാര്യം പരസ്യമായി പറഞ്ഞിട്ടുണ്ടെന്നും മുല്ലപ്പള്ളി പറഞ്ഞിരുന്നു. കെ ആര് മീരയെ അധിക്ഷേപിച്ച നടപടി ശരിയല്ലെന്നും അധിക്ഷേപസ്വരത്തില് പൊതുപ്രവര്ത്തകര് സംസാരിക്കുന്നത് നല്ല ലക്ഷണമല്ല. കോണ്ഗ്രസ് അനുഭാവികളുള്ള ഗ്രൂപ്പുകള് പോലും ആരോഗ്യപരമായ വിമര്ശനമല്ല നടത്തുന്നത്. സോഷ്യല്മീഡിയക്ക് കോഡ് ഓഫ് കോണ്ടക്ട് വേണമെന്നാണ് തന്റെ നിലപാടെന്നും അദ്ദേഹം അഭിപ്രായപ്പെട്ടത്.
പൊതുപ്രവര്ത്തകന് എന്ന നിലയിലും ജനപ്രതിനിധി എന്ന നിലയിലും കോണ്ഗ്രസ് നേതാവ് എന്ന നിലയിലുമുള്ള ഉത്തരവാദിത്തങ്ങള് നിര്വ്വഹിക്കുക എന്നതിനാണ് എന്റെ പ്രഥമ പരിഗണനയെന്ന് ഫെയ്സ്ബുക്കില് വി ടി ബല്റാം വ്യക്തമാക്കി. ഇതിന്റെയൊക്കെ ഇടയില് എനിക്ക് സൗകര്യമുള്ള സമയത്താണ് എന്റെ സ്വന്തം ഇഷ്ടപ്രകാരം ഫേസ്ബുക്കില് പോസ്റ്റും കമന്റുമൊക്കെ ഇടുന്നതെന്ന് മുല്ലപ്പള്ളിക്കുള്ള പരോക്ഷ മറുപടിയില് എംഎല്എ വ്യക്തമാക്കി.
ഫെയ്സ്ബുക്ക് പോസ്റ്റിന്റെ പൂര്ണ്ണരൂപം
രാവിലെ ഒമ്പതുമണി വരെ വീട്ടില് നിവേദക സംഘങ്ങളടക്കം ഇരുപതോളം ആളുകളുമായി കൂടിക്കാഴ്ച
പിന്നെ തൃത്താലയിലെ എംഎല്എ ഓഫീസില് അല്പ്പനേരം
പിന്നീട് ആനക്കര ഗവ. ഹയര് സെക്കണ്ടറി സ്കൂളില് എംഎല്എ ഫണ്ടില് നിന്നനുവദിച്ച ഒരു കോടി രൂപയുടെ കെട്ടിടം നിര്മ്മാണോദ്ഘാടനം
കപ്പൂര് പഞ്ചായത്ത് ഓഫീസില് സമഗ്ര കുടിവെള്ള പദ്ധതിയേക്കുറിച്ച് വാട്ടര് അതോറിറ്റി ഉദ്യോസ്ഥരും ജനപ്രതിനിധികളുമായി ചര്ച്ച
പരുതൂരില് 4 കോടി രൂപ ചെലവില് നിര്മ്മിക്കുന്ന PWD റോഡ് സൈറ്റ് സന്ദര്ശനം. എഞ്ചിനീയറും കോണ്ട്രാക്റ്ററുമായി പ്രവൃത്തി വിലയിരുത്തല്.
ഇതിനിടയില് ക്ഷണിക്കപ്പെട്ട രണ്ട് വിവാഹച്ചടങ്ങുകളില് സംബന്ധിക്കുന്നു.
ഭക്ഷണശേഷം അല്പ്പം പുസ്തകവായന, ഇപ്പോഴത്തെ പുസ്തകം ശശി തരൂരിന്റെ ദ പാരഡോക്സിക്കല് പ്രൈംമിനിസ്റ്റര്.
പിന്നെ കരിമ്പയില് എംഎല്എ ഫണ്ടില് നിന്ന് നിര്മ്മിച്ച റോഡ് ഉദ്ഘാടനം, പ്രദേശത്തെ ചില വീടുകളില് സന്ദര്ശനം
തുടര്ന്ന് കക്കാട്ടിരിയില് എംഎല്എ ഫണ്ടില് നിന്ന് നിര്മ്മിച്ച റോഡ് ഉദ്ഘാടനം. അസുഖബാധിതരായി കിടക്കുന്ന രണ്ട് പേരെ വീട്ടില് ചെന്ന് സന്ദര്ശനം.
അഞ്ച് മണിയോടെ കൃപേഷിന്റെയും ശരത് ലാലിന്റെയും ചിതാഭസ്മം വഹിച്ചുള്ള യൂത്ത് കോണ്ഗ്രസ് യാത്രക്ക് കൂറ്റനാട് അഭിവാദ്യം, പ്രസംഗം.
കുമരനെല്ലൂര് ഗവ.ഹയര് സെക്കണ്ടറി സ്കൂളില് യാത്രയയപ്പ് സമ്മേളനം ഉദ്ഘാടനം.
രാത്രി ഒന്പതോടെ തിരിച്ച് വീട്ടില്. ഭക്ഷണം. ബാക്കി വായന.
…….
ഇന്നത്തെ ദിവസം ചുമ്മാ ഒന്ന് ഓര്ത്തെടുത്തെന്നേ ഉള്ളൂ. മിക്കവാറും ദിവസങ്ങള് ഇങ്ങനെയൊക്കെത്തന്നെയാണ്. ഇന്നലെ കാസര്ക്കോട്, കണ്ണൂര് ജില്ലകളില്. മിനിഞ്ഞാന്ന് തിരുവനന്തപുരത്ത്. നാളെയും മറ്റന്നാളും DCC പ്രസിഡണ്ടിന്റെ കൂടെ മണ്ഡലത്തില് പദയാത്ര.
പൊതുപ്രവര്ത്തകന് എന്ന നിലയിലും ജനപ്രതിനിധി എന്ന നിലയിലും കോണ്ഗ്രസ് നേതാവ് എന്ന നിലയിലുമുള്ള ഉത്തരവാദിത്തങ്ങള് നിര്വ്വഹിക്കുക എന്നതിനാണ് എന്റെ പ്രഥമ പരിഗണന. ഇതിന്റെയൊക്കെ ഇടയില് എനിക്ക് സൗകര്യമുള്ള സമയത്താണ് എന്റെ സ്വന്തം ഇഷ്ടപ്രകാരം ഫേസ്ബുക്കില് പോസ്റ്റും കമന്റുമൊക്കെ ഇടുന്നത്.