പാലക്കാട് കോണ്ഗ്രസ് പ്രവര്ത്തകര്ക്ക് വെട്ടേറ്റതിനു പിന്നില് ജാതീയ വിരോധമെന്ന് ആരോപണം. വെട്ടേറ്റ കോണ്ഗ്രസ് പ്രവര്ത്തകരാണ് ആരോപണമുന്നയിച്ചിരിക്കുന്നത്. ഗോവിന്ദാപുരം അംബേദ്കര് കോളനിയിലെ നാല്കോണ്ഗ്രസ് പ്രവര്ത്തകര്ക്കാണ് വെട്ടേറ്റത്. ആറ് സി.പി.എം പ്രവര്ത്തകര്ക്കും സംഘര്ഷത്തില് പരിക്കേറ്റു.
മുതലമടയില് കൊട്ടിക്കലാശത്തിനിടെ സി.പി.എം പ്രവര്ത്തകരും കോണ്ഗ്രസ് പ്രവര്ത്തകരും തമ്മില് സംഘര്ഷം ഉണ്ടായിരുന്നു. കൊട്ടിക്കലാശത്തിനു ശേഷം അംബേദ്കര് കോളനിയിലെത്തിയ ശിവരാജന്, കിട്ടുചാമി, വിജയ്, സുരേഷ് എന്നിവര്ക്കാണ് വെട്ടേറ്റത്. ജാതീയമായ മുന്വൈരാഗ്യമാണ് ആക്രമണത്തിനു പിന്നിലെന്ന് പരിക്കേറ്റ ശിവരാജന് പറഞ്ഞു. മേല്ജാതിക്കാരാണ് ആക്രമണം അഴിച്ചുവിട്ടത് വെട്ടേറ്റവരെല്ലാം കോണ്ഗ്രസ് പ്രവര്ത്തകരാണ്.
Read more
ആറ് സിപിഎം പ്രവര്ത്തകര്ക്കും പരിക്കേറ്റു. സംഭവത്തില് സമഗ്രമായ അന്വേഷണം വേണമെന്ന് കോണ്ഗ്രസ് നേതൃത്വം ആവശ്യപ്പെട്ടു. പരിക്കേറ്റവര് ആശുപത്രികളില് ചികിത്സയിലാണ്.
