വടകര ലോക്സഭ മണ്ഡലം എല്ഡിഎഫ് തിരിച്ച് പിടിക്കുമെന്ന് സിപിഎം സ്ഥാനാര്ത്ഥി കെകെ ശൈലജ. ലോക്സഭ തിരഞ്ഞെടുപ്പിനുള്ള സിപിഎം ഔദ്യോഗിക സ്ഥാനാര്ത്ഥി പട്ടിക പ്രഖ്യാപിച്ചതിന് പിന്നാലെയാണ് ശൈലജയുടെ പ്രതികരണം. ടിപി ചന്ദ്രശേഖരന് വധക്കേസ് മണ്ഡലത്തില് തിരഞ്ഞെടുപ്പ് ചര്ച്ചയാകില്ലെന്നും ശൈലജ പറഞ്ഞു.
വടകര മണ്ഡലത്തില് മറ്റ് രാഷ്ട്രീയ വിഷയങ്ങള് ചര്ച്ച ചെയ്യാനുണ്ട്. ആര്എംപിയുടെ പ്രവര്ത്തനം എല്ഡിഎഫിന്റെ വിജയത്തെ ബാധിക്കില്ല. എതിരാളി ആരായാലും പ്രശ്നം ഇല്ലെന്നും ശൈലജ കൂട്ടിച്ചേര്ത്തു. അതേ സമയം പാര്ട്ടി നിര്ദ്ദേശിച്ചാല് മറ്റ് സംസ്ഥാനങ്ങളില് പ്രവര്ത്തിക്കണമെന്നും കേരളത്തില് നിന്നും വിട്ടു പോകുന്നില്ലെന്നും കെകെ ശൈലജ വ്യക്തമാക്കി.
Read more
കേരളത്തിലെ പ്രവര്ത്തനങ്ങള്ക്കൊപ്പമാണ് മറ്റ് പാര്ട്ടി ചുമതലകള് കൈകാര്യം ചെയ്യുന്നത്. എംഎല്എയും മന്ത്രിയുമായിരുന്നപ്പോള് എങ്ങനെ പ്രവര്ത്തിച്ചുവോ ജയിച്ചാലും അതുപോലെ മുന്നോട്ട് പോകും. യുഡിഎഫിന് വടകരയില് വികസനം കൊണ്ടുവരാന് കഴിഞ്ഞില്ലെന്നും നിഷ്പക്ഷരായവര് എല്ഡിഎഫിനൊപ്പം നില്ക്കുമെന്നും ശൈലജ അഭിപ്രായപ്പെട്ടു.