പൗരത്വ നിയമ ഭേതഗതിക്കെതിരെ പ്രതിഷേധിച്ച സിനിമാ താരങ്ങൾക്കെതിരെ സന്ദീപ് വാര്യർ നടത്തിയ പരാമർശത്തിൽ വിശദീകരണവുമായി ബി.ജെ.പി. സന്ദീപ് വാര്യരുടെ പ്രതികരണം വ്യക്തിപരമെന്ന് എം.ടി രമേശ് . ഇത് പാർട്ടി നിലപാടായി കാണണ്ട. കേന്ദ്രനയത്തെ വിമർശിക്കുന്നവരോട് പക പോക്കുന്ന സമീപനം ബി.ജെ.പിക്ക് ഇല്ലെന്നും രമേശ് പറഞ്ഞു.
Read more
പൗരത്വ നിയമത്തിനെതിരായി തെരുവിലിറങ്ങുന്ന സിനിമാ പ്രവർത്തകർക്ക് നേരെ ഭീഷണി മുഴക്കിയാണ് യുവമോർച്ച സംസ്ഥാന സെക്രട്ടറി സന്ദീപ് ജി. വാര്യർ രംഗത്ത് വന്നത്. മുൻപിലുള്ള മൈക്കും ജനക്കൂട്ടവും കണ്ട് രാഷ്ട്രീയ പ്രസ്താവനകൾ നടത്തുന്ന സിനിമാക്കാർ, പ്രത്യേകിച്ച് നടിമാർ അച്ഛനോ സഹോദരനോ സെക്രട്ടറിയോ കൃത്യമായ ഇടവേളകളിൽ ആദായ നികുതി അടയ്ക്കുന്നുണ്ടെന്ന് ഉറപ്പുവരുത്തണമെന്നും അല്ലാത്ത പക്ഷം കുതി വെട്ടിപ്പ് കയ്യോടെ പിടിച്ചാൽ പൊളിറ്റിക്കൽ വെണ്ടേറ്റ എന്നു പറഞ്ഞ് കണ്ണീരൊഴുക്കരുതെന്നുമാണ് സന്ദീപ് വാര്യരുടെ ഭീഷണി. ഫേസ്ബുക്കിലൂടെയായിരുന്നു സന്ദീപിന്റെ ഭീഷണി.
