കഴിഞ്ഞ തെരഞ്ഞെടുപ്പില്‍ എഡിഎഫ് പുറത്തിറക്കിയ പ്രകടനപത്രികയിലെ പ്രധാന വാഗ്ദാനങ്ങള്‍ സര്‍ക്കാര്‍ നടപ്പാക്കിയെന്ന് മുഖ്യമന്ത്രി പിണറായി വിജയന്‍. നാളെ തിരുവനന്തപുരത്ത് നടക്കുന്ന വാര്‍ഷികാഘോഷ സമാപന റാലിയില്‍ ഈ വര്‍ഷത്തെ പ്രോഗ്രസ് റിപ്പോര്‍ട്ട് പ്രകാശനം ചെയ്യുമെന്ന് മുഖ്യമന്ത്രി പറഞ്ഞു.
പ്രകടനപത്രികയില്‍ വാഗ്ദാനം ചെയ്ത കുറച്ചു കാര്യങ്ങള്‍ മാത്രമാണ് ഇനി ചെയ്യാനുള്ളത്. അടുത്ത വര്‍ഷത്തിനുള്ളില്‍ മുഴുവനും യാഥാര്‍ഥ്യമാക്കാനുള്ള ശ്രമമാണ് നടക്കുന്നത്. വാഗ്ദാനങ്ങള്‍ പാലിച്ച വിവരങ്ങള്‍ ജനങ്ങളെ അറിയിക്കുന്നത് മറ്റ് എവിടെയും ഇല്ല. നമ്മുടെ നാടും ജനങ്ങളും പ്രകടിപ്പിച്ച ഐക്യവും ഒരുമയും അതാണ് അസാധ്യമെന്ന് കരുതിയ പലതും സാധ്യമാക്കുന്നതിലേക്ക് ഇടയാക്കിയത്.
Read more
കേരളം തകരണം എന്ന് ആഗ്രഹിച്ചവര്‍ നിരാശപ്പെടുന്ന വളര്‍ച്ചയാണ് കേരളത്തിന് നേടാനായത്. എന്നാല്‍ കേന്ദ്ര വിഹിതം കൃത്യമായി ലഭിക്കാത്ത സാഹചര്യമുണ്ടായി. ഏതൊരു സംസ്ഥാനത്തിന്റെ വരുമാനം സംസ്ഥാനത്തിന്റെ മാത്രം വരുമാനം അല്ല. അതിനോടൊപ്പം കേന്ദ്ര ഗവണ്‍മെന്റ് നല്‍കുന്ന വിഹിതമുണ്ടെന്നും അദേഹം പറഞ്ഞു.
