മലപ്പുറത്ത് ഓട്ടോ മറിഞ്ഞ് മൂന്ന് പേര് മരിച്ചു. ആനക്കയം വള്ളിക്കാപ്പറ്റയിലാണ് ഓട്ടോ താഴ്ചയിലേക്ക് മറിഞ്ഞത്. ഒരു കുടുംബത്തിലെ 3 പേരാണ് മരിച്ചത്. ആനക്കയം ചേപ്പൂര് കൂരിമണ്ണില് പൂവത്തിക്കല് ഖൈറുന്നീസ (46), സഹോദരന് ഉസ്മാന് (36), ഭാര്യ സുലൈഖ (33) എന്നിവരാണ് മരിച്ചത്. സംഭവത്തില് നാല് പേര്ക്ക് പരിക്കേറ്റു. ഓട്ടോ ഡ്രൈവര് ചണ്ടിയന്മൂച്ചി അസന് കൂട്ടി , ഉസ്മാന്റെയും സഹോദരിയുടെയും മൂന്ന് കുട്ടികള് എന്നിവര്ക്കാണ് പരിക്കേറ്റത്.
Read more
ഖൈറുന്നിസയുടെ മറ്റൊരു സഹോദരന്റെ വീട്ടിലേക്ക് പോവുകയായിരുന്നു ഇവര്. അതിനിടെയാണ് അപകടത്തില്പ്പെട്ടത്. നിയന്ത്രണം നഷ്ടപ്പെട്ട ഓട്ടോ 40 അടി താഴ്ചയിലേക്കാണ് മറിഞ്ഞത്. അപകടത്തില് പരിക്കേറ്റവരെ കോഴിക്കോട് മെഡിക്കല് കോളജില് ചികിത്സയിലാണ്. മരിച്ചവരുടെ മൃതദേഹങ്ങള് മഞ്ചേരി മെഡിക്കല് കോളജ് ആശുപത്രി മോര്ച്ചറിയിലേക്ക് മാറ്റി.
