അഞ്ച് വര്‍ഷത്തേക്ക് തൃശൂര്‍ മാത്രം തന്നാല്‍ പോര കേരളം കൂടി തരണമെന്ന് നടനും ബിജെപി നേതാവുമായ സുരേഷ് ഗോപി. അഞ്ച് വര്‍ഷം നിങ്ങള്‍ക്ക് സഹിക്കാന്‍ കഴിയുന്നില്ലെങ്കില്‍ അടിയും തന്ന് പറഞ്ഞുവിട്ടോളൂ എന്നും സുരേഷ് ഗോപി കൂട്ടിച്ചേര്‍ത്തു. കേന്ദ്ര ഭരണം കൈയിലുള്ളപ്പോള്‍ തന്നെ കേരളവും തൃശൂരും നല്‍കണമെന്നും താരം പറഞ്ഞു.
ഒരു അഞ്ച് വര്‍ത്തേക്ക് അവസരം തരൂ, അഞ്ച് വര്‍ഷത്തേക്ക് തൃശൂര്‍ തന്നാല്‍ പോര. കേരളം തരണം. ആ അഞ്ച് വര്‍ഷം കൊണ്ട് നിങ്ങള്‍ക്ക് പറ്റുന്നില്ലെങ്കില്‍ നല്ല അടിയും തന്ന് പറഞ്ഞ് അയയ്ക്കൂ എന്നായിരുന്നു സുരേഷ് ഗോപിയുടെ വാക്കുകള്‍.
Read more
എന്ത് പശ്ചാത്തലത്തിലാണ് ഇത് പറയുന്നതെന്ന് ചോദിച്ചാല്‍ ഒരു അഞ്ച് വര്‍ഷം അവസരം നല്‍കൂ എന്ന് ചോദിച്ച് വിപ്ലവകരമായ വിജയം കൈവരിച്ച ഒരു മനുഷ്യന്‍ കരുത്ത് തെളിയിച്ചപ്പോള്‍ ആ അഞ്ച് വര്‍ഷം കഴിഞ്ഞ് വീണ്ടും അഞ്ച് വര്‍ഷം കൂടി ലഭിച്ചു. ഇനി എത്ര വര്‍ഷം ലഭിക്കുമെന്ന് നോക്കാം. ആ ഒരു നട്ടെല്ലിന്റെ വിശ്വാസതയിലാണ് ഇത് പറയുന്നതെന്നും സുരേഷ് ഗോപി വ്യക്തമാക്കി.
