തൊടുപുഴയില് ക്രൂരമര്ദ്ദനത്തിനിരയായ ഏഴ് വയസുകാരന്റെ അമ്മയ്ക്ക് രൂക്ഷ വിമര്ശനവുമായി ദിപാ നിശാന്ത്. സംഭവത്തിന്റെ വാര്ത്ത അറിഞ്ഞപ്പോള് ഭര്ത്താവിന്റെ മരണശേഷം തീര്ത്തും നിരാലംബയായ ഒരു സ്ത്രീയും 2 പിഞ്ചു കുട്ടികളും ഗതികേടുകൊണ്ട് ഒരു നീച ജന്മത്തിന്റെയടുത്ത് അഭയം പ്രാപിച്ചതായിരിക്കണമെന്നായിരുന്നു ആദ്യം കരുതിയത്.
തൊടുപുഴയില് ഏഴ് വയസുകാരനെ പ്രതി ലൈംഗികമായും പീഡിപ്പിച്ചു; അരുണ് മയക്കുമരുന്ന് അടിമ: പൊലീസ്
എന്നാല്, ഉയര്ന്ന മാര്ക്കോടെ സ്കൂള് വിദ്യാഭ്യാസം പൂര്ത്തിയാക്കുകയും ബിടെക് ബിരുദമെടുക്കുകയും ചെയ്ത സാമ്പത്തിക സുസ്ഥിരതയുള്ള സ്ത്രീയാണ് ഇത്രനാളും സ്വന്തം കുഞ്ഞുങ്ങള്ക്കു മേലുള്ള ഈ മൃഗീയമര്ദ്ദനം അനുവദിച്ചു കൊടുത്തത്. ദീപ ഫെയ്സ്ബുക്കില് കുറിച്ചു.
ഇത്രനാളും സ്വന്തം കുഞ്ഞുങ്ങള്ക്കു മേലുള്ള ഈ മൃഗീയമര്ദ്ദനം അനുവദിച്ചു കൊടുത്തത് അവരാണ്. എന്തു സ്ത്രീവിരുദ്ധത ആരോപിച്ചാലും ശരി, മക്കളെ “ധൈര്യം വരുത്തല് പരിശീലനത്തിനായി “രാത്രികളില് വീട്ടില് തനിച്ചാക്കി ഹോട്ടലില് പോയി ഭക്ഷണം കഴിക്കുന്ന, മൂന്നര വയസ്സുള്ള ഒരു കുഞ്ഞിനെ പാതിരാവില് ഒറ്റക്കിട്ട് വീടും പൂട്ടിയിറങ്ങിയ ആ സ്ത്രീ എന്ത് ജന്മമാണ്? ദീപ ചോദിക്കുന്നു.
ഫെയ്സ്ബുക്ക് പോസ്റ്റിന്റെ പൂര്ണരൂപം
ഏഴ് വയസ്സുള്ള ആ മോനെ ക്രൂരമായി മര്ദ്ദിച്ച് അത്യാസന്നനിലയിലാക്കിയ വാര്ത്തയറിഞ്ഞപ്പോള് ഉള്ളില് തെളിഞ്ഞ കുടുംബചിത്രത്തില് ഭര്ത്താവിന്റെ മരണശേഷം തീര്ത്തും നിരാലംബയായ ഒരു സ്ത്രീയും 2 പിഞ്ചു കുട്ടികളും ഗതികേടുകൊണ്ട് ഒരു നീചജന്മത്തിന്റെയടുത്ത് അഭയം പ്രാപിച്ചതായിരിക്കണമെന്ന മുന്വിധിയാണുണ്ടായത് . അവര്ക്ക് ചിലപ്പോ വീടുണ്ടാകില്ല, വിദ്യാഭ്യാസമുണ്ടാകില്ല, തൊഴിലുണ്ടാകില്ല, സഹായിക്കാന് കുടുംബാംഗങ്ങളായി ആരുമുണ്ടാകില്ല ,സഹായ വാഗ്ദാനം നടത്തി പറ്റിക്കൂടിയ ഒരു ചെകുത്താനെ മനസ്സിലാക്കാന് അവര്ക്ക് കഴിഞ്ഞു കാണില്ല . ഇതൊക്കെയായിരുന്നു ഉള്ളിലുയര്ന്ന ചിത്രം
അല്ലാതെ ഒരമ്മയ്ക്ക് എങ്ങനെയാണ് ഇത് കണ്ടു നില്ക്കാനാകുക?
ഇപ്പോ കേള്ക്കുന്നു.
ആ സ്ത്രീ സ്കൂള് വിദ്യാഭ്യാസം ഏറ്റവും ഉയര്ന്ന മാര്ക്കോടെ പൂര്ത്തിയാക്കിയവളാണ്.
ബി ടെക് ബിരുദധാരിണിയാണ്.
സാമ്പത്തിക സുസ്ഥിരതയുള്ള സ്ത്രീയാണ്.
അവരാണ് ഇത്രനാളും സ്വന്തം കുഞ്ഞുങ്ങള്ക്കു മേലുള്ള ഈ മൃഗീയമര്ദ്ദനം അനുവദിച്ചു കൊടുത്തത്.
എന്തു സ്ത്രീവിരുദ്ധത ആരോപിച്ചാലും ശരി,
മക്കളെ “ധൈര്യം വരുത്തല് പരിശീലനത്തിനായി “രാത്രികളില് വീട്ടില് തനിച്ചാക്കി ഹോട്ടലില് പോയി ഭക്ഷണം കഴിക്കുന്ന, മൂന്നര വയസ്സുള്ള ഒരു കുഞ്ഞിനെ പാതിരാവില് ഒറ്റക്കിട്ട് വീടും പൂട്ടിയിറങ്ങിയ ആ സ്ത്രീ എന്ത് ജന്മമാണ്?
ആ കുട്ടികളെ ഇത്ര ദാരുണമായി മര്ദ്ദിച്ചിട്ടും അയാള്ക്കെതിരെ പറയാതെ, കള്ളം പറഞ്ഞ് അയാളെ സംരക്ഷിക്കാന് ശ്രമിച്ച അവര് എന്ത് ന്യായീകരണമാണ് അര്ഹിക്കുന്നത്?
സ്കൂളിലെ ടീച്ചര്മാരോട്, “അച്ഛ മരിച്ചു” എന്ന് ദയനീയമായി പിറുപിറുക്കുന്ന ആ കുട്ടിയെ കണ്മുമ്പില് കാണുന്നു.
ഇങ്ങനെ എത്ര കുട്ടികളുണ്ടാകും.
തൊട്ടയല്പക്കത്തെ നിലവിളികളോട് ഇനിയും നിസ്സംഗത പുലര്ത്തിക്കൂടാ.
വീടിനു പുറത്തെ നിലവിളികള്ക്കു മാത്രമല്ല, വീട്ടിനകത്തെ നിലവിളികള്ക്കും നാം കാതു കൂര്പ്പിക്കണം.
Read more
കുഞ്ഞേ …പൊറുക്കുക!