ലോക്സഭാ തിരഞ്ഞെടുപ്പില് മൂന്ന് സീറ്റിന് അവകാശവാദം ഉന്നയിക്കാനൊരുങ്ങി കേരള കോണ്ഗ്രസ് മാണി വിഭാഗം. കോട്ടയത്തിന് പുറമെ വിജയ സാദ്ധ്യതയുള്ള രണ്ട് സീറ്റുകള് കൂടി വേണമെന്നാണ് കേരളാ കോണ്ഗ്രസ് മാണി വിഭാഗത്തിന്റെ ആവശ്യം.
കോട്ടയത്തിന് പുറമേ പത്തനംതിട്ടയും ഇടുക്കിയും കൂടി വേണമെന്നാണ് കേരള കോണ്ഗ്രസ് (എം) വിഭാഗം ആവശ്യപ്പെടുന്നത്. വര്ഷങ്ങളായി ആന്റോ ആന്റണി ജയിച്ച് വരുന്ന പത്തനംതിട്ട ലോക്സഭാ മണ്ഡലത്തില് റാന്നി, തിരുവല്ല, പൂഞ്ഞാര്, കാഞ്ഞിരപ്പള്ളി തുടങ്ങി ശക്തികേന്ദ്രങ്ങളിലെ സ്വാധീനം ചൂണ്ടിക്കാട്ടിയാണ് മാണി വിഭാഗത്തിന്റെ അവകാശവാദം.
Read more
ഇടുക്കിയാണെങ്കില് ഇടത് മുന്നണിക്ക് സ്വതന്ത്രനെ നിര്ത്താനുള്ള പരീക്ഷണശാലയാണ്. കഴിഞ്ഞ തിരഞ്ഞെടുപ്പില് യുഡിഎഫ് സ്ഥാനാര്ത്ഥി ഡീന് കുര്യാക്കോസിനോട് ഒരുലക്ഷത്തോളം വോട്ടിന് ഇടത് സ്വതന്ത്രന് തോറ്റിരുന്നു. അതിനാല് എന്തുകൊണ്ടും മികച്ച സാദ്ധ്യത കേരള കോണ്ഗ്രസ് എമ്മിന് ഉണ്ടെന്നാണ് പാര്ട്ടി വാദം.