യു.ഡി.എഫ് നേതൃത്വമേറ്റെടുക്കാൻ മുൻ മുഖ്യമന്ത്രി ഉമ്മൻചാണ്ടി വരുന്നത് ഇടതുപക്ഷത്തിന്റെ ഭരണത്തുടര്ച്ചയ്ക്ക് വെല്ലുവിളിയാകില്ലെന്ന് സി.പി.ഐ.എം സംസ്ഥാന ആക്ടിംഗ് സെക്രട്ടറി എ.വിജയരാഘവന്
ഉമ്മന്ചാണ്ടിയും സംഘവും ഡല്ഹിക്ക് പോയാല് കോണ്ഗ്രസ് രക്ഷപെടില്ലെന്നും തിരുച്ചുവരവ് എല്ഡിഎഫിന് ഗുണം ചെയ്യുമെന്നും അദ്ദേഹം കൂട്ടിചേർത്തു.
ഉമ്മന്ചാണ്ടി തിരിച്ചുവരുന്നതോടെ സോളാര് അടക്കമുള്ള എല്ലാ അഴിമതിയും ജനങ്ങള് ഓര്ക്കുമെന്നും വിജയരാഘവൻ പാലക്കാട് ചിറ്റൂരിൽ പറഞ്ഞു.
വര്ഗീയത ശക്തിപ്പെടുത്താനാണ് കോണ്ഗ്രസ് ഉമ്മന്ചാണ്ടിയെ കൊണ്ടുവരുന്നതെന്നും അദ്ദേഹം ആരോപിച്ചു. ബിജെപിയുമായുള്ള അവിശുദ്ധ കൂട്ടുകെട്ട് അവസാനിപ്പിച്ച് ജനങ്ങൾക്ക് മുന്നിൽ വരണം.
Read more
ബിജെപി, ലീഗ്, ജമാഅത്തെ ഇസ്ലാമി എന്നിവർ ഒരുമിച്ച് ഇടതുപക്ഷത്തെ വേട്ടയാടാൻ ശ്രമിച്ചു. രാഷ്ട്രീയമായി പറ്റിയ തെറ്റ് കോൺഗ്രസ് തിരുത്തണം. ഉമ്മൻചാണ്ടിയുടെ നേതൃത്വത്തിൽ കമ്മിറ്റി ഉണ്ടാക്കിയിട്ട് കാര്യമില്ലെന്നും വിജയരാഘവൻ പറഞ്ഞു.