റെഡ്ഡിറ്റ് എന്ന് സോഷ്യല്‍ മീഡിയാ സൈറ്റില്‍ കാലിഫോര്‍ണിയയില്‍ നിന്നും ഒരാള്‍ പോസ്റ്റ് ചെയ്ത അനുഭവം വിവിധ ഓണ്‍ലൈന്‍ പത്രങ്ങള്‍ വാര്‍ത്തയാക്കുകയുണ്ടായി. പേരു വെളിപ്പെടുത്താത്തയാളുടേതാണ് പോസ്റ്റ്.
‘ഞാന്‍ ശരിക്കും ഒരു പ്രോഫഷണല്‍ ഫോട്ടോഗ്രാഫറല്ല. ഡോഗ് ഗ്രൂമറുടെ ജോലിയാണ് ചെയ്യുന്നത്. ഫോട്ടോ എടുക്കാനറിയാം. സാധാരണ ഒരു വെഡ്ഡിംഗ് ഫോട്ടോയ്ക്ക് രണ്ടായിരം ഡോളറാണ് പ്രതിഫലം. എന്റെ നിവൃത്തികേടുകൊണ്ടാണ് വെറും ഇരുന്നൂറ്റി അമ്പതു രൂപയ്ക്ക് ആ ജോലി ചെയ്യാമെന്നേറ്റത്. രാവിലെ ഭക്ഷണം കഴിക്കാതെയാണ് ജോലി തുടങ്ങിയത്. ഉച്ചക്ക് കഴിക്കാന്‍ അവര്‍ സമയം തന്നില്ല. വൈകിട്ട് ഏഴുമണിയായപ്പോള്‍ ഭക്ഷണം കഴിക്കാന്‍ വധുവിനോട് അനുവാദം ചോദിച്ചു. എന്നാല്‍ ഗസ്റ്റ് എല്ലാം പോയിക്കഴിഞ്ഞിട്ട് കഴിച്ചാല്‍ മതിയെന്ന് വരന്‍ കട്ടായം പറഞ്ഞു. കുറേനേരം സഹിച്ചു. സര്‍വ്വ നിയന്ത്രണങ്ങളും വിട്ടപ്പോള്‍ ഞാനവരുടെ ഫോട്ടോ മുഴുവന്‍ ഡിലീറ്റാക്കി.’
Read more
വിലപ്പെട്ട നിമിഷങ്ങളാണ് നഷ്ടപ്പെട്ടതെങ്കിലും ഭൂരിഭാഗം പേരും ഇയാളെ അനുകൂലിച്ചാണ് കമന്റ് ചെയ്തതെന്ന് റിവോള്‍ട്ട് ടിവി പറയുന്നു. പ്രൊഫഷണലിസത്തിന്റെ പ്രാധാന്യം എടുത്തുപറയുന്ന ഈ സംഭവം ഫോട്ടോഗ്രാഫേഴ്‌സ് പങ്കുവെക്കുകയാണിപ്പോള്‍. കൂടാതെ സഹജിവീയുടെ വിശപ്പിന് വിലകല്‍പ്പിക്കാത്തതിന് അജ്ഞാതരായ വധൂവരന്‍മാരും എയറിലായി. നിങ്ങള്‍ ആരെ ജോലിക്കു വിളിച്ചാലും സമയത്ത് ഭക്ഷണം കൊടുക്കണം എന്ന ഗുണപാഠമാണ് പലരും പങ്കുവെച്ചത്.
